મોટી સહાય / આનંદો: ગુજરાત સરકાર ખેડૂતોને વધુ એક મોટી ભેટ આપશે, ટૂંક સમયમાં કરશે સત્તાવાર જાહેરાત

• રાજ્ય સરકાર ખેડૂતોને આપશે વધુ એક મોટી ભેટ 
• ગોડાઉનના ખર્ચ માટે ખેડૂતોને અપાશે 1 લાખની સબસીડી 
• અગાઉ સરકાર આપતી હતી 40 હજારની સબસીડી 

રાજ્યના ખેડૂતો સામે મોટા સામાચાર સામે આવી રહ્યા છે. જેમા ખેડૂતોને હવે સરકાર દ્વારા મોટો ફાયદો આપવામાં આવશે. પહેલા ખેડૂતોને ગોડાઉન બનાવા માટે 40 હજાર રૂપિયાની સરકાર દ્વારા સહાય આપવામાં આવતી હતી. પરંતું હવે તેમને તેના કરતા દોઢ ગણી વધારે સહાય આપવાની ટૂંક સમયમાં જાહેરાત કરવામાં આવશે. 

1 લાખની સબસીડી ટૂંક સમયમાં મળશે 

અગાઉ સરકાર દ્વારા ખેડૂતોને 40 હજારની સહાય આપવામાં આવતી હતી. જેમા બદલે હવે ખેડૂતોને 1 લાખની સહાય આપવાની વિચારણા ચાલી રહી છે. આપને જણાવી દઈએ કે 2 લાખના ખર્ચની મર્યાદામાં ખેડૂતો ગોડાઉન બનાવે તો સરકાર દ્વારા સબસીડી આપવામાં આવતી હોય છે. 

ગઈકાલે સહાય પેકેજ જાહેર કરાયું હતું 

હવે ખેડૂતોને ગોડાઉન બનાવવા માટે 50 ટકા સબસીડી આપવામાં આવશે. જેથી ખેડૂતોને મોટી રાહત મળી રહેશે. આ માહિતી સામે આવ્યા બાદ રાજ્યના ખેડૂતોમાં આનંદનો માહોલ જોવા મળી રહ્યો છે. ગઈકાલે પણ સરકારે ખેડૂતોને જે નુકશાન થયું હોય તેને લઈને સહાય પેકેજની જાહેરાત કરી હતી જેમા ખેડૂતોને હેક્ટર દીઠ 13 હજાર રૂપિયાની સહાય આપવાની જાહેરાત સરકાર દ્વારા કરવામાં આવી છે. 

ટૂંક સમયમાં કરશે સત્તાવાર જાહેરાત 

ઉલ્લેખનીય છે કે સરકાર દ્વારા હવે ટૂંક સમયમાં બે લાખની કિંમતના ગોડાઉન માટે 1 લાખની સબસીડી આપવાની જાહેરાત કરવામાં આવશે. અગામી ટૂંક સમયમાં સરકાર દ્વારા વિધિવત રીતે આ મામલે જાહેરાત કરવામાં આવશે. મહત્વનું છે કે કાલે પણ  સરકારે ખેડૂતોને જે નુકશાન થયું હતું તેની સહાયની જાહેરાત કરી હતી.