વિદેશી મીડિયાએ ભારતમાં કોરોના વકરવા બદલ ઓવર કોન્ફીડન્સ અને ખોટા નિર્ણયોને જવાબાદાર ઠેરવ્યાં છે.
પાંચ વિદેશી મીડિયા ભારતની કોવિડ પરિસ્થિતિ પર સત્ય બહાર લાવ્યું
સૌથી આકરી પ્રતિક્રિયા ઓસ્ટ્રેલિયાના અખબારે આપી
પ્રધાનમંત્રીના અતિ વિશ્વાસને કારણે મહામારી વકરી-ગાર્ડિયન
સૌથી આકરી પ્રતિક્રિયા ઓસ્ટ્રેલિયાના અખબાર ઓસ્ટ્રેલિયન ફાઈનાન્સિયલ રિવ્યુએ આપી છે. કાર્ટુનિસ્ટ ડેવિડ રોવના કાર્ટૂનામાં કંઈક આવી રીતે દર્શાવાઈ ભારતની સ્થિતિ. ભારત દેશ એક હાથની જેવો વિશાળ છે. હાથી મૃતપાય હાલતમાં જમીન પર પડેલો છે. પ્રધાનમંત્રી મોદી હાથીની પીઠ પર સિંહાસન પર લાલ ગાદી પાથરીને બેઠા છે. તેમના માથા પર એક મોટી પાઘડી છે અને બીજા હાથમા માઈક છે. કાર્ટુનિસ્ટ મોદીને ભાષણવાળી પોઝિશનમાં દેખાડ્યાં છે. સોશિયલ મીડિયા પર આ કાર્ટૂન ઝડપથી વાયરલ થઈ રહ્યું છે.
કુંભ મેળો, ક્રિકેટ સ્ટેડિયમની ભીડને કારણે સ્થિતિ બગડી-ધ વોશિંગ્ટન પોસ્ટ
અમેરિકી અખબાર ધ વોશિંગ્ટન પોસ્ટે 24 એપ્રિલના તેના ઓપિનિયન પોલમાં લખ્યું કે ભારતમાં કોરોનાની બીજી લહેરનું સૌથી મોટું કારણ પ્રતિબંધોમાં વહેલી છૂટ આપવાનું છે. લોકોએ કોરોના મહામારીને હળવાશથી લીધી. કુંભ મેળો, ક્રિકેટ સ્ટેડિયમ જેવી ઈવેન્ટમાં દર્શકોની મોટી હાજર તેનું ઉદાહરણ છે.
ઘમંડી અને અક્ષમ સરકારે મહામારી વકરાવી- બ્રિટનના અખબાર ધ ગાર્ડીયન
બ્રિટનના અખબાર ધ ગાર્ડીયને લખ્યું કે ભારતમાં પીએમ મોદીના અતિ વિશ્વાસને કારરણે દેશમાં પ્રાણઘાતક કોવિડ-19 ની બીજી લહેર રેકોર્ડ સ્તર પર છે.અખબારે લખ્યું કે મહામારી મોતનું તાંડવ મચાવી રહી હતી ત્યારે પીએમ મોદીએ મોટી મોટી ચૂંટણી રેલીઓ અને તેમાં પણ માસ્ક વગર દેખાયા. અખબાર લખે છે કે ઘમંડી અને અક્ષમ સરકારે મહામારી વકરાવી હતી.
ન્યૂયોર્ક ટાઈમ્સે આ લખ્યું
અમેરિકી અખબાર ધ ન્યુયોર્ક ટાઈમ્સે લખ્યું હતું કે એક વર્ષ પહેલા દુનિયાનું કડક લોકડાઉન લગાડીને કોરોના પર ઘણો કાબૂ કરી લેવાયો હતો પરંતુ ત્યાર બાદ એક્સપર્ટ્સની ચેતવણીની ઉપેક્ષા કરવામાં આવી. આજે કોરોનાના કેસો બેકાબૂ થયા છે. હોસ્પિટલોમાં બેડ નથી. સરકારના ખોટા નિર્ણયો અને આવનારી મુસિબતની ઉપેક્ષા કરીને ભારત દુનિયામા સૌથી ખરાબ પરિસ્થિતિમાં આવી ગયો.
પ્રતિષ્ઠિત ટાઈમ મેગેઝીને લખ્યું કે 23 એપ્રિલે રાણા અય્યૂબના લેખમાં જણાવ્યું કે પ્રધાનમંત્રી મોદી કોરોના સામેની લડાઈમાં નિષ્ફળ નીવડ્યાં છે. લેખમાં એવો સવાલ કરાયો કે આ વર્ષે કોરોનાના કેસો વધી રહ્યાં હોવા છતાં પણ શા માટે તૈયારી ન કરવામાં આવી. ટાઈમ મેગેઝીને લખ્યું કે જવાબદારી મોદી પાસે છે, જેમણે તમામ સાવધાનીઓની ઉપેક્ષા કરી. જવાબદારી મંત્રીમંડળની પાસે છે જેમણે પ્રધાનમંત્રી મોદીના વખાણમાં કહ્યું કે તેમણે દેશમાં કોરોના સામે સફળ લડાઈ લડી છે.