સુરતમાં GST વિભાગે બોગસ બિલિંગ કૌભાંડ ઝડપ્યું છે. જેમાં 3 પેઢીઓ અલગ અલગ મોડેસ ઓપરેન્ડી વાપરીને GST કૌભાંડ આચરી રહ્યાં હતાં. GSTએ દરોડા પાડી આ કૌભાંડનો પર્દાફાર્શ કર્યો છે. જાણો કઈ રીતે પકડાયું કૌભાંડ...
સુરત GST વિભાગે દરોડા પાડીને વધુ એક બોગસ બિલિંગ કૌભાંડ ઝડપ્યું છે. પેટ્રો કેમિકલ આયાત કંપની બોગસ બિલિંગ ઝડપાયું છે. આ સાથે હિન્દુસ્તાન એન્વાયરો લાઈફ સર્વિસનાં 16 સ્થળોએ દરોડા પાડીને 10 કરોડની GST ક્રેડિટ ખોટી રીતે પાસ કરાવી હોવાની ઘટનાંનો પર્દાફાર્શ કર્યો છે. સરક્યુલર ટ્રેડિંગ કરી ક્રેડિટ પાસ કરાવી માલ સપ્લાય કર્યા વગર માત્ર બોગસ બિલ બનાવામાં આવ્યાં હતા. 3 પેઢીઓ પાસેથી 4 કરોડના ટેક્સની સ્થળ પર જ વસુલાત કરાઈ હતી.
કેટલાંક શહેરોમાં સર્ક્યુલર ટ્રે઼ડિંગ કરાયું છે
ઉલ્લેખનીય છે કે GST ની ચોરી કરતા અનેક વેપારીઓ પકડાવાનો સિલસિલો સતત ચાલી રહ્યો છે. આ અગાઉ ઉંઝા, અમદાવાદ, જેવા કેટલાક સિટીનાં કેટલાક વેપારીઓ પણ GST કૌભાંડ કરતાં ઝડપાયા છે. હાલ સુરતનાં પડેલાં GST વિભાગનાં દરોડાને પગલે સુરત, ખંભાત, અમદાવાદ અને રાજકોટમાં સર્ક્યુલર ટ્રેડિંગ કરાયું છે.