ત્રાસ / અમદાવાદ: 'મારે બીજી સ્ત્રી સાથે સંબંધ છે એટલે હું તને ટચ કરતો નથી' પતિની અસલિયત દેખતા પત્નીના પગ નીચેથી જમીન સરકી

• નરોડામાં રહેતા યુવકે યુવતી સાથે બળજબરીપૂર્વક લગ્ન કર્યા
• યુવતીએ પાંચ લોકો વિરુદ્ધ ચાંદખેડા પોલીસ મથકે ફરિયાદ નોંધાવી
• ડોમેસ્ટિક વાયોલન્સ એક્ટ હેઠળ ફરિયાદ કરી  

 મારે બીજી સ્ત્રી સાથે સંબંધ છે એટલે હું તને ટચ કરતો નથી આ શબ્દો છે નરોડામાં રહેતા એક યુવકના, જેણે સમાજની એક યુવતી સાથે બળજબરીપૂર્વક લગ્ન કર્યાં છે. ચાંદખેડા વિસ્તારમાં છેલ્લા ચાર મહિનાથી પિયરમાં રીસાઇને બેઠેલી આરતી (નામ બદલ્યું છે)એ તેના પતિ નીરવ, સાસુ મીનાબહેન સહિત પાંચ લોકો વિરુદ્ધ ચાંદખેડા પોલીસ સ્ટેશનમાં ડોમેસ્ટિક વાયોલન્સ એક્ટ હેઠળ ફરિયાદ કરી છે. આરતીનાં લગ્ન વર્ષ ર૦૧૮માં નરોડા વિસ્તારમાં રહેતા નીરવ સાથે સામાજિક રીત‌િરવાજ મુજબ થયાં હતાં. 
પુત્રના કહેવાથી મીનાબહેન આરતીને હેરાન કરતાં હતાં
લગ્નના બે મહિના બાદ નીરવ આરતીથી અલગ રહેતો હતો અને તે તેની માતા મીનાબહેનને આરતીને હેરાન કરવા માટે કહેતો હતો.  પુત્રના કહેવાથી મીનાબહેન આરતીને હેરાન કરતાં હતાં, જેથી તેણે કંટાળીને નીરવને પૂછ્યું હતું. નીરવે જવાબ આપતાં કહ્યું હતું કે મારે બીજી સ્ત્રી સાથે સંબંધ છે એટલે હું તને ટચ કરતો નથી. મારે તારી સાથે લગ્ન કરવાં ન હતાં, મેં પરાણે લગ્ન કર્યાં છે. 
નીરવની વાત સાંભળીને આરતીના પગ નીચેથી જમીન સરકી ગઈ હતી, પરંતુ તે પતિ તેમજ સાસુનો ત્રાસ સહન કરતી રહી હતી. નીરવ તેની માતા મીનાબહેનને દબાણ કરતો હતો કે જો તું આરતીને વધુ ને વધુ ટોર્ચર નહીં કરે તો હું તેને મારી નાખીશ. પુત્રની ધમકીના કારણે મીનાબહેન આરતીને હેરાન કરતાં હતાં.