VIDEO / વરરાજાની જાનમાં આવી ગયા વનરાજા, બે ઘોડી પણ જોતી રહી ગઈ, અમરેલીનો વીડિયો વાયરલ

• વરરાજાની જતી જાનમાં આડે પડ્યા વનરાજ
• સાવરકુંડલાના મેવાસાથી વડાળ વચ્ચેનો બનાવ 
• સિંહ વરરાજાની ફોર વ્હીલ કાર આગળથી પસાર થયો

અમરેલી જિલ્લામાં અવારનાવર સિંહ ગ્રામ્ય વિસ્તારોમાં અને રસ્તાઓ પર આવી જતા હોય છે. જેના કેટલાક વીડિયો પણ સામે આવતા હોય છે. ત્યારે આવો જ એક વીડિયો હાલ સોશિયલ મીડિયામાં વાયરલ થયો છે. સાવરકુંડલા તાલુકામાં રસ્તા પર સિંહ આવી જતા વરરાજાની કારને રોકવી પડી હતી.

સાવરકુંડલાના મેવાસાથી વડાળ વચ્ચેનો બનાવ
સાવરકુંડલાના મેવાસાથી વડાળ વચ્ચે વરરાજાની ગાડી જઈ રહી હતી. આ દરમિયાન અચાનક સિંહ તેમની ગાડી પાસે આવી ગયો હતો. જેના કારણે વરરાજા સહિત પાછળના ટેમ્પામાં ઘોડા લઈને આવી રહેલા લોકોના બે ઘડી શ્વાસ અધ્ધર થઈ ગયા હતા. 

સિંહનો વીડિયો સોશિયલ મીડિયામાં વાયરલ 
વરરાજાની ગાડી જેવી રસ્તા પરથી પસાર થઈ કે તરત જ સિંહ વચ્ચે આવી ગયો હતો. એટલું જ નહીં વરરાજાની ગાડી પાછળ એક ટેમ્પામાં ઘોડાઓ પણ હતા. આ ટેમ્પાની ઉપર કેટલાક લોકો પણ બેઠા હતા. વનરાજને આગળ રસ્તા પર ઊભેલા જોઈને આ લોકોના પણ ધબકારા વધી ગયા હતા. સિંહનો આ વીડિયો હાલ સોશિયલ મીડિયામાં વાઈરલ થયો છે.