ઓયબાપા / જબરું કર્યું! લવ મેરેજ થવાના હતાં તેમ છતાં લગ્ન પહેલા મિત્રની પ્રેમિકાને લઇને ભાગી ગયો વરરાજા પછી..

• અજીબોગરીબ કિસ્સો આવ્યો સામે
• મિત્રની ગર્લફ્રેન્ડને લઇને ભાગ્યો વરરાજા
• દુલ્હન આ સાંભળીને સદમામાં ગરકાવ

અજીબોગરીબ કિસ્સો
એક લગ્નમાં વરરાજા પોતાના જ મિત્રની ગર્લફ્રેન્ડને લઇને ભાગી ગયો હતો. આ સાંભળીને દુલ્હનના પગ નીચેથી જમીન સરકી ગઇ હતી. કારણકે તેના જેની સાથે લગ્ન થવાના હતા તેની સાથે તે 6 વર્ષથી રિલેશનશીપમાં હતી પરંતુ લગ્ન પહેલા જ તેને છોડીને વરરાજા ફરાર થઇ ગયો હતો. 

દીકરી ગાયબ થવાની ફરિયાદ
હેરાન કરી દેનારો મામલો રાતાનાડા વિસ્તારનો છે. જ્યાં એક પીડિત પરિવાર પોતાની દીકરીના અચાનક ગાયબ થવાની ફરિયાદ લઇને પહોંચ્યો હતો. તેમણે જણાવ્યું કે બાદલ નામનો વ્યક્તિ અમારી દીકરીને લઇને ભાગ્યો છે. બંને લગ્નના ઇરાદે ભાગ્યા છે અને બાદલની એક અન્ય યુવતી સાથે 14 નવેમ્બરે લગ્ન છે. 

મિત્રની ગર્લફ્રેન્ડને લઇને ભાગ્યો બાદલ
પોલીસે બંનેને પકડી પાડ્યા છે અને સામે આવ્યું કે દુલ્હો પોતાના જ નાનપણના મિત્રની ગર્લફ્રેન્ડ સાથે ભાગી ગયો હતો. જે મિત્રનું તેની ગર્લફ્રેન્ડ સાથે બ્રેક અપ થતાં તેના અને બાદલ વચ્ચે અનૈતિક સંબંધો વિકસ્યા હતા. માત્ર એટલું નહી બાદલના જેની સાથે લગ્ન થવાના હતા તેની સાથે પણ 6 વર્ષથી અફેર ચાલી રહ્યું હતું. 

કંકોત્રી છપાઇ ગઇ હતી
બાદલના લગ્નની કંકોત્રી છપાઇ ગઇ હતી અને ખરીદી પણ થઇ ગઇ હતી. લોકોએ કહ્યું કે અમને એવું નહોતું લાગ્યું કે તેનું કોઇ છોકરી સાથે રિલેશન છે નહીંતર અમે તેના લગ્ન નક્કી જ ના કરત. જેવું બાદલના ભાગી જવાની ખબર મળી દુલ્હનના પરિવારના લોકો પોલીસ સ્ટેશન પહોંચી ગયા અને છેતરપિંડીનો કેસ નોંધાવ્યો હતો. આટલું નહીં લગ્ન પહેલા પતિના ભાગી જવાના સમાચાર સાંભળીને દુલ્હનને એટલો સદમો લાગ્યો કે તેની તબિયત ખરાબ થઇ ગઇ હતી.