જરા હટકે! / ભાવનગરમાં વરરાજાની હટકે એન્ટ્રી ! જેસીબીમાં જાન જોડીને આવ્યા ! જુઓ VIDEO

• ભાવનગરના તાંતણીયા ગામે JCBમાં નિકળી જાન
• વરરાજા JCBમાં સવાર થઈ જાન લઈને પહોંચ્યા
• ગ્રામજનો અને લગ્નમાં આવેલા મહેમાનોમાં આશ્ચર્ય

પહેલા પ્રિ વેડિંગ ફોટો શૂટમાં કંઇક હટકે કરવાનો ટ્રેન્ડ હતો અને હવે તો લગ્નમાં અનોખી રીતે જાન લઇ જવાનો ટ્રેન્ડ વધ્યો છે. સૌ કોઇ પોતાના લગ્ન યાદગાર બને, સમાજમાં કોઇ મેસેજ જાય કે પછી લોકોની વાહવાહી મેળવવા માટે લગ્નમાં અવનવા અખતરા કરતા ખચકાતા નથી. આપણે બળદગાડામાં જાન જોડીને આવતા કે હેલિકોપ્ટરમાં વરરાજાની એન્ટ્રી થતા જોઇ હશે ત્યારે હવે ટ્રેન્ડ મુજબ એક નવો જ પ્રયોગ હાથ ધરવામાં આવ્યો. અને તે છે જેસીબી. જી હા, બાબા કા બુલ્ડોઝર એવુ જેસીબી ઘણુ જ ફેમસ બની ગયુ છે. ત્યારે એક વરરાજાએ ટ્રેન્ડ સાથે તાલ મિલાવવા જેસીબીમાં જાન જોડીને આવ્યા.

જેસીબીમાં વરરાજા લગ્ન કરવા પહોંચ્યા

આ અનોખો પ્રયોગ હાથ ધરાયો છે ભાવનગર જેસરના તાંતણિયા ગામે. અહીં જેસીબી મશીનમાં વરરાજાની જાન નીકળી.  જેનો એક વીડિયો સામે આવ્યો છે. જેમાં જોઇ શકાય છે કે વરરાજાને કાળી છત્રી લઇને જેસીબીમાં બેસાડ્યા છે. અને પાછળ ટ્રેક્ટર સહિત અન્ય વાહનોમાં જાનૈયાઓ જોડાયા છે. આ વરરાજાનું નામ છે નજીર ઓઢેજા. જેઓ વાજતે ગાજતે જાન લઇને લગ્ન કરવા પહોંચ્યા હતા. આમ તો આકરી ગરમીમાં  આવી રીતે જાન લઇને જવુ કપરુ તો ખરુ. તો પરંતુ લગ્નને યાદગાર બનાવવા યહા, તો  સબ કુછ ચલતા હૈ..

સૂટ બુટમાં સજ્જ વરરાજાનો લગ્નના દિવસે કંઇક અલગ જ ઠાઠ હોય.  પરંતુ આ જેવી જાન માંડવે પહોંચી કે લગ્નમાં આવેલા મહેમાનો જોઇને સ્તબ્ધ થઇ ગયા. વરરાજા જેસીબીમાં આવ્યા હોવાની જાણ થતા ગ્રામજનો અને મહેમાનોમાં કુતુહલ સર્જાયુ હતું.