સતત 5 દિવસથી કોરોનાના આંકડા 40 હજારને પાર રહ્યા છે.
ગત 24 કલાકમાં 42, 909 નવા મામલા
સતત 5 દિવસથી કોરોનાના આંકડા 40 હજારથી વધુ
દેશમાં એક્ટિવ કેસનો આંકડો 3,76,324 થયો
ગત 24 કલાકમાં 42, 909 નવા મામલા
ભારતમાં ગત કેટલાક દિવસોથી કોરોનાના કેસમાં તેજી આવી છે. કેરળ, મહારાષ્ટ્ર, કર્ણાટક અને તમિલનાડુ સહિત અનેક રાજ્યોમાં કોરોનાના મામલામાં ઉછાળો જોવા મળી રહ્યો છે. દેશમાં કોરોનાના દર્દીની સંખ્યામાં વધારો ત્રીજી લહેરના સંકેત આપી રહ્યો છે. સોમવારના આંકડાની વાત કરીએ તો ગત 24 કલાકમાં 42, 909 નવા મામલા સામે આવ્યા છે. જો કે આ આંકડા રવિવારની સરખામણીએ ઘટ્યા છે. સતત 5 દિવસથી કોરોનાના આંકડા 40 હજારથી વધારે રહ્યા છે.
India reports 42,909 new COVID-19 cases and 34,763 recoveries in the last 24 hours, taking total recoveries to 3,19,23,405 and active caseload to 3,76,324
આ સાથે દેશમાં સંક્રમણનો આંકડો 3,76,324 થયો છે. ત્યારે એક્ટિવ કેસ કુલ મામલાના 1.5 ટકા છે. જો કે ગત 24 કલામાં 34, 763 લોકો સાજા થવાની સાથે રિકવરી રેટ 97.51 પર બનેલો છે. દેશમાં રસીકરણ શરુ થયા બાદથી અત્યાર સુધી 63.43 કરોડ લોકોને રસી લગાવાઈ ચૂકી છે.
ગત દિવસોમાં શું હતી સ્થિતિ
એક દિવસ પહેલાની સ્થિતિ જોઈએ તો 29 ઓગસ્ટની સવારે 45 હજારથી વધારે કેસ આવ્યા હતા અને 460 કોરોનાના દર્દીના મોત થયા છે. હાલમાં કેરળમાં સ્થિતિ સૌથી ગંભીર બનેલી છે. કેરળમાં રવિવારે 31, 265 મામલા સામે આવ્યા છે અને 153 લોકોના મોત થયા છે. ત્યારે શનિવારે કેરળમાં ગત 24 કલાકમાં કોરોનાના 32,809 નવા મામલા સામે આવ્યા હતા. જ્યારે 179 લોકોના મોત થયા હતા.
આ બે રાજ્યોમાં પોઝિટિવિટિ રેટ સૌથી વધારે
ઉલ્લેખનીય છે કે ભારતના 2 રાજ્ય કેરળ અને મહારાષ્ટ્રમાં હજું સૌથી વધારે પોઝિટિવિટી રેટ છે. કેરળમાં 7 જિલ્લા અર્નાકુલમ, ત્રિશૂર, કોઝીકોડ, પલક્કડ, કોલ્લમ અને કોટ્ટાયમમાં રોજના 2 હજારથી વધારે મામલા સામે આવી રહ્યા છે.