તમારા કામનું / સરકાર આપશે વર્ષે 60 હજાર રૂપિયા પેન્શન બસ આટલું કરવું પડશે તમારે રોકાણ

• આર્થિક મુશ્કેલીથી બચવા કરો બચત 
• અટલ પેન્શન યોજનામાં મળશે 60 વર્ષ પછી દર મહીને પૈસા 
• 40 વર્ષ સુધી જ લઇ શકાશે લાભ 

આ યોજનાથી ભવિષ્યમાં મેળવો પેન્શન 
આપણા ભવિષ્ય માટે આપણે આપણી કમાણીનો કેટલોક હિસ્સો બચાવીએ છીએ, જેથી વૃદ્ધાવસ્થામાં આપણે કોઈ પણ પ્રકારની આર્થિક મુશ્કેલી સામે ઝઝૂમવું ન પડે. નોકરી દરમિયાન જ આપણે આપણા ભવિષ્યને આર્થિક રીતે સુરક્ષિત કરવાની યોજના બનાવી શકીએ છીએ. લોકોના ભવિષ્યને ધ્યાનમાં રાખીને સરકાર અટલ પેન્શન યોજના નામની એક યોજના પણ ચલાવે છે, જેને અટલ પેન્શન યોજના કહેવામાં આવે છે, તમે તેમાં રોકાણ કરી શકો છો અને દર મહિને એક હજારથી પાંચ હજાર રૂપિયા સુધીનું પેન્શન લઈ શકો છો. આ સરકારી પેન્શન સ્કીમમાં રિટાયરમેન્ટ ફંડ માટે પૈસા જમા કરાવવા પડે છે.

આ યોજનામાં કોણ જોડાઈ શકે ?
અટલ પેન્શન યોજના 18 થી 40 વર્ષની વયના લોકો માટે જ છે. 40 વર્ષથી વધુ ઉંમરના લોકો આ પેન્શન યોજનાનો લાભ લઇ શકશે નહીં, કારણ કે  તેમાં 20 વર્ષ સુધી ચોક્કસ રકમ રોકવી પડશે. તો જ તમને 60 વર્ષની ઉંમર પછી પેન્શનનો લાભ મળે છે. આ યોજનાની શરૂઆત વડાપ્રધાન નરેન્દ્ર મોદીએ 2015માં કરી હતી. આ સ્કીમ હેઠળ બેન્ક કે પોસ્ટ ઓફિસમાં ખાતું ખોલાવી શકાય છે અથવા જો તમારું ખાતું પહેલાથી જ હોય તો તમે પણ આ સ્કીમમાં જોડાઈ શકો છો. 

5000 રૂપિયા પેન્શન મેળવવા માટે આટલું રોકાણ કરો
જો તમારી ઉંમર 18 વર્ષ છે અને તમારે 60 વર્ષની ઉંમર પછી દર મહિને 5000 રૂપિયાનું પેન્શન જોઈએ છે, તો દર મહિને 210 રૂપિયા આ સ્કીમમાં રોકાણ કરવું પડશે. જો તમે દર મહિને 1000 રૂપિયાનું પેન્શન ઈચ્છતા હોય, તો તમારે તેના માટે દર મહિને 42 રૂપિયા જમા કરાવવા પડશે. આ યોજનાની સૌથી મોટી ખાસિયત એ છે કે તેમાં રોકાણના પૈસા ક્યારેય ડૂબતા નથી.

પૈસા કેવી રીતે મળશે રીટર્ન પૈસા 
તમે 60 વર્ષની ઉંમર પહેલા કેટલાક સંજોગોમાં આ યોજનામાંથી પૈસા ઉપાડી શકો છો. જો 60 વર્ષની ઉંમર પહેલા પતિનું મૃત્યુ થાય છે તો પત્નીને પેન્શનની સુવિધા મળશે. જો પતિ-પત્ની બંનેનું મૃત્યુ 60 વર્ષની ઉંમર પહેલા થાય છે, તો નોમિનીને ડિપોઝિટની રકમ મળશે.

ટેક્સમાં છૂટ મળશે
અટલ પેન્શન યોજનામાં ખાતું ખોલાવવા માટે આધાર કાર્ડ અને એક્ટિવ મોબાઈલ નંબર જરૂરી છે. આ સ્કીમમાં રૂપિયા જમા કરાવવા માટે માસિક, ત્રિમાસિક, અર્ધવાર્ષિક સુવિધા આપવામાં આવે છે. ઑટો ડેબિટની સુવિધા પણ ઉપલબ્ધ છે. સ્કીમની પ્રીમિયમની રકમ તમારા ખાતામાંથી આપમેળે કપાઈ જશે. અટલ પેન્શન યોજનામાં રોકાણ કરીને તમે પેન્શન મળવાની સાથે ટેક્સ પણ બચાવી શકો છો. આ સ્કીમમાં  રોકાણ કરીને તમે ટેક્સમાં 1.5 લાખ રૂપિયા સુધીની બચત કરી શકો છો. આ છૂટ આવકવેરાની કલમ 80સી હેઠળ ઉપલબ્ધ છે. નાણાકીય વર્ષ 2021-22 સુધીમાં લગભગ 71 લાખ લોકો આ યોજનામાં જોડાયા હતા.