આધાર પાન કાર્ડ લીંક કરવા મામલે કોંગ્રેસે સરકાર સામે બરાબરના ચાબખા મારી મુદતમાં એક વર્ષનો વધારો કરવા ઉપરાંત લીંક ફી 1000 રૂપિયા ઇન્કમટેક્ષમાં ક્રેડીટ આપવા સહિતની માંગ ઉઠાવી છે.
આધાર પાન કાર્ડ લીંક કરવા મુદત એક વર્ષ વધારવા કોંગ્રેસની માંગ
લીંક ફી 1000 રૂપિયા ઇન્કમટેક્ષમાં ક્રેડીટ આપવામાં આવે
31 માર્ચ સુધી લોકો આધાર પાન લીંક થશે તો સરકાર ૧૩ હજાર કરોડ વસુલી લેશે
પાન કાર્ડ અને આધાર કાર્ડ લીંકની કામગીરીએ નાગરિકો માટે સૌથી સળગતી સમસ્યા સમાન સાબીત થઈ રહી છે. લોકો કામ ધંધા છોડીને આધાર પાન લીંક અપ માટે લાંબી લાઈનો લગાવવા મજબુર બની રહ્યા છે. જેને લઈને કોંગ્રેસે સરકારને બરોબરની ઘેરી હતી. જેમાં જણાવ્યું કે સરકારના રૂપિયા કમાવા આ પ્રકારનાં ડીંડક ઉભા કરી રહી છે. આધાર પાન કાર્ડ લીંક કરવાની મુદતમાં એક વર્ષનો વધારો કરવાની કોંગ્રેસ દ્વારા માંગ કરવામાં આવી છે. જેમાં જણાવ્યું કે દેશમાં 13 કરોડ લોકોના આધાર કાર્ડ પાન કાર્ડ સાથે લીંક કરવાના હજુ સુધી બાકી છે. જેમાં પણ લોકો ફ્રી ભરવા માટે તૈયાર હોવા છતાં પણ ઇન્કમટેક્ષની વેબમાં અવારનવાર ધાંઢીયા સર્જાતા હોવાથી અરજદારો પરેશાન થઈ રહ્યા છે. આવી સ્થિતિ વચ્ચે લીંક ફી લીધેલી 1000 રૂપિયા ઇન્કમટેક્ષમાં ક્રેડીટ આપવામાં આવે તેવી પણ કોંગ્રેસ પ્રવકતા હેમાંગ રાવલ દ્વારા માંગ ઉઠાવવા આવી હતી.
પાન કાર્ડ અને આધાર કાર્ડ લિંક કરવાનો વિષય ખૂબ જ પેચીદો છે,ગંભીર છે.
૨૦૨૨ એપ્રિલથી જૂન સુધી ૫૦૦/- દંડ હતો.જે CA જાણતા હતા તે વાત સામાન્ય જનતા સુધી તો હજી પહોંચી જ નહોતી."રસિયો રૂપાળો બિલ ભરતો નથી"ના ગીત ગવડાવો છો પણ પાન કાર્ડ-આધાર કાર્ડ લિંક કરવાની વાત છેવાડાના માનવી સુધી કેમ… pic.twitter.com/8qB7hti7my
વધુમા 31 માર્ચ સુધી લોકો આધાર પાન લીંક થશે તો સરકાર ૧૩ હજાર કરોડ વસુલી લેશે. એવું પણ જણાવવામાં આવ્યું છે કે જો લીંક અપ નહી થાય તો પાન કાર્ડ બ્લોક થઇ જશે. પરીણામે બેંક એકાઉન્ટમાં આવતી સરકારી યોજનાની સહાય અટવાઈ પડે તેવી જાણવા મળી રહ્યું છે. ત્યારે બેંકમાં પાન કાર્ડ અને આધાર કાર્ડની વિગતો છે તો સરકાર શા માટે લીંક કરી શકતી નથી. તેવો પણ સણસણતો સવાલ કર્યો હતો. કોંગ્રેસ આગેવાન હેમાંગ રાવલએ કહ્યું કે આધાર-પાન લિંક કરી ફી ભારવાની ફરજિયાત હોવા છતાં અરજદારોની અગવડતા દૂર કરવા માટે કેમ સુચારુ વ્યવસ્થા ઉભી કરવામાં આવતી નથી.
દલાલો ૧૨૦૦ રૂપિયામાં કરે છે આધાર-પાન કાર્ડ લીંક
કોંગ્રેસે માંગ ઉઠાવતા કહ્યું કે કલેકટર, તલાટી, સિટી સિવિક સેન્ટર પર આધાર પાન લીંક અપની વ્યવસ્થા ઉભી કરવી જોઈએ, વધુમાં આધાર કેન્દ્રો, પોસ્ટ ઓફીસમાં કાર્ડ લીંક અપની વ્યવસ્થા કરવી જોઈએ.બીજી બાજુ વચેટીયાઓ અંગે આક્ષેપ કરતા તેમણે કહ્યું કે આજે આ કામ માટે ગામે ગામ દલાલો ફરી રહ્યા છે જે ૧૨૦૦ રૂપિયામાં આધાર-પાન કાર્ડ લીંક અપ કરાવી રહ્યા છે.
પાનકાર્ડને આધારકાર્ડ સાથે કેવી રીતે લિંક કરવું?
- incometaxindiaefiling.gov.in વેબસાઈટ પર જવું પડશે
- `લિંક આધાર'ના વિકલ્પ ઉપર ક્લિક કરવાનું રહેશે
- `લિંક આધાર' ઉપર ક્લિક કર્યા બાદ એક પેજ ખુલશે
- પેજમાં પાનકાર્ડ, આધારકાર્ડ નંબરની માહિતી પૂછવામાં આવશે
- તમામ માહિતી ભર્યા પછી તમારુ કાર્ડ લિંક થશે
- ઓનલાઈન લિંકિંગમાં કોઈ સમસ્યા હોય તો SMSથી પણ લિંકિંગ થઈ શકશે
- રજિસ્ટર્ડ નંબર પરથી UIDPN લખીને આધાર નંબર લખવો, સ્પેસ આપીને PAN નંબર લખવો
- માહિતી ભરીને તેને 567678 અથવા 56161 પર મોકલવાનો રહેશે