કાર્યવાહી / અશ્લિલતાનો અંત, સરકારે તાબડતોબ મોટી 67 પોર્ન વેબસાઈટ પર મૂક્યો પ્રતિબંધ, જુઓ સંપૂર્ણ યાદી

• અશ્લિલતા સામે કેન્દ્ર સરકારે આદરી મોટી ઝૂંબેશ 
• તાબડતોબ 67 પોર્ન વેબસાઈટ પર મૂક્યો પ્રતિબંધ 
• 2021ના આઈટી નિયમોના ઉલ્લંઘન બદલ કરાઈ કાર્યવાહી 
• હાલમાં દેશમાં પ્રતિબંધિત થનારી પોર્ન વેબસાઈટની સંખ્યા પહોંચી 900ને પાર 
• ટૂંક સમયમાં ઈન્ટરનેટ પર દેખાતી થશે બંધ 

ભારત સરકારે દેશમાં પોર્નોગ્રાફિક વેબસાઇટ્સ પર પ્રતિબંધ મૂકવાના પ્રયાસોને વધુ કડક બનાવ્યા છે. કેન્દ્ર સરકારે 67 પોર્ન વેબસાઈટ પર તાબડતોબ પ્રતિબંધ મૂકી દીધો છે. કેન્દ્રીય ઇલેક્ટ્રોનિક્સ અને આઇટી મંત્રાલયે એક ઓર્ડર જારી કરીને પોર્ન વેબસાઈટ પર પ્રતિબંધની જાહેરાત કરી હતી. મંત્રાલયના જણાવ્યાનુસાર આ તમામ પોર્ન વેબસાઈટ 2021ના આઈટી નિયમોનું ઉલ્લંઘન કરતી હતી. 

ટૂંક સમયમાં ઈન્ટરનેટ પરથી દેખાતી બંધ થઈ જશે પોર્ન વેબસાઈટ
સરકારે કોર્ટના આદેશ બાદ પોર્નોગ્રાફિક વેબસાઈટ પર પ્રતિબંધ મૂકવાનો નિર્ણય લીધો છે. મંત્રાલય દ્વારા જારી કરવામાં આવેલા ઓર્ડરમાં જણાવાયું છે કે 2021ના નવા આઈટી કાયદા હેઠળ પ્રતિબંધ મૂકાયો છે, આઈટી કાયદામાં એવી સામગ્રી પર પ્રતિબંધ  મૂકવામાં આવ્યો છે કે જે કોઈ વ્યક્તિને નગ્નાવસ્થામાં દર્શાવતી હોય કે કોઈની સાથે સેક્સ માણતા દર્શાવતી હોય. તે ઉપરાંત કોઈની તસવીર કે ફોટો કઢંગી હાલતમાં બનાવાયો હોય કે મોર્ફેન કરાયો હોય તેવી અશ્લિલ સામગ્રી પર પણ પ્રતિબંધ છે. 

Govt orders internet companies to block 67 pornographic websites following court orders and for violating new IT rules issued in 2021

— Press Trust of India (@PTI_News) September 29, 2022

2018માં 827 પોર્ન વેબસાઈટ્સ બ્લોક કરાઈ હતી 
ઉલ્લેખનીય છે કે 2018માં ઉત્તરાખંડ હાઈકોર્ટના આદેશ બાદ સરકારે લગભગ 827 પોર્ન વેબસાઈટ્સ પર પ્રતિબંધ લગાવી દીધો હતો.તે સમયે ઉત્તરાખંડ હાઇકોર્ટે સરકારને 857 વેબસાઇટ બ્લોક કરવાનું કહ્યું હતું, ત્યારે ઇલેક્ટ્રોનિક્સ અને આઇટી મંત્રાલય (મીટી)એ કોઇ પણ જાતની અશ્લીલ સામગ્રી વગરના 30 પોર્ટલ શોધી કાઢ્યા હતા.

ભારતમાં કુલ 900 પોર્ન વેબસાઈટ પર પ્રતિબંધ
લેટેસ્ટ 67 સાથે દેશમાં કુલ 900 પોર્ન વેબસાઈટ પર પ્રતિબંધ મૂકવામાં આવ્યો છે.