એક તરફ કોરોનાની ત્રીજી લહેર વચ્ચે લોકો ઝઝૂમી રહ્યા છે. ત્યારે બીજી તરફ કોરોના ટેસ્ટને લઈને લેબોરેટરીઓની બેદરકારીઓ હવે વધી રહી છે. પહેલા ખાનગી લેબરોટરીઓની બેદરકારી સામે આવતી હતી જેમા તેઓ ખોટા રિપોર્ટ બનાવીને રૂપિયા પડવી લેતા હતા. ત્યારે વધુમાં હવે તો સરકારી લેબરેટરીની બેદરકારી પણ સામે આવી છે.
સેમ્પલ લીધા વગર પોઝિટીવ રિપોર્ટ
વડોદરાની એક સરકારી લેબોરેટરીમાં ગંભીર બેદરકારી સામે આવી છે. જેમા લેબોરેટરી દ્વારા બાળકીના સેમ્પલ લેવામાં નહોતા આવ્યા તેમ છતા તેમનો રિપોર્ટ પોઝિટીવ આવ્યો છે. ખરેખરમાં લેબોરેટરી દ્વારા પરિવારના અન્ય ત્રણ સભ્યોના સેમ્પલ લેવામાં આવ્યા હતા.
બાળકીના નામે કોના સેમ્પલ લેવાયા તે ગંભીર સવાલ
જ્યારે પરિવારજનો લેબોરેટરીમાં ટેસ્ટ કરાવવા આવ્યા ત્યારે તેમણે બાળકીનું નામ માત્ર કાગળ પર લખ્યું હતું. ત્યારે સવાલ અહીયા એ થાય છે કે જ્યારે બાળકીના સેમ્પલ લેવામાંજ નહોતા આવ્યા તો પછી તેનો રિપોર્ટ પોઝિટીવ કેવી રીતે આવ્યો. સાથેજ સવાલ એ પણ થાય છે કે બાળકીના નામે કોના સેમ્પલ લેવાયા હોઈ શકે.
લેબોરેટરીએ પોતાની ગંભીર ભૂલ સ્વીકારી
ઉલ્લેખનીય છે કે કોયલી PHCના સ્ટાફે સેમ્પલ નહોતા લીધા અને તેમ છતા રિપોર્ટ પોઝિટીવ આવ્યો આ મામલે તેમણે તેમની ભૂલ સ્વાકરી છે. પરંતુ સવાલ એ થાય છે કે લેબોરેટરી દ્વારા બાળકાના નામે જે રિપોર્ટ આપવામાં આવ્યો તે રિપોર્ટ કોનો હતો. કારણકે આ ગંભીર ભૂલને કારણે જે વ્યક્તિનો રિપોર્ટ ખરેખરમાં નેગેટિવ તેને ભોગવવાનો વારો આવી શકે છે.