કામની વાત / મોદી સરકાર લાવી રહી છે નવો કાયદો: ગ્રાહકોને મળશે જબરદસ્ત સુવિધા, કંપનીઓએ જૂના સામાનને રિપેર કરી આપવો પડશે

•  મોદી સરકાર લાવી રહી છે નવો કાયદો
• ગ્રાહકોને થશે મોટો ફાયદો
• કંપનીઓ સામાનને રિપેયર કરી આપવો પડશે

કેન્દ્રની મોદી સરકાર દેશના ગ્રાહકો માટે જલ્દી 'રાઈટ ટૂ રિપેયર' કાયદો લાવવાની તૈયારી કરી રહી છે. નામ સાંભળીને જ મનમાં સવાલ ઉઠે છે કે, રાઈટ ટૂ રિપેયરકાયદો શું છે. આ કાયદાથી ગ્રાહકોને કેવી રીતે ફાયદો મળી શકશે. તેની સાથે જ કંપનીઓ પર આ કાયદાની શું અસર થશે. ગ્રાહકોની સુવિધા માેટ ગ્રાહક બાબતોના વિભાગે રાઈટ ટૂ રિપેયર કાયદા પર કામ કરવાનું શરૂ કરી દીધુ છે. જેમ કે, તેના નામ પરથી જ ખબર પડે છે કે, આ ગ્રાહકોને પોતાના ખરાબ સામાન બનવા પર મદદ કરશે.

શું છે રાઈટ ટૂ રિપેયર ? 

ઉદાહરણ તરીકે જો કોઈ વ્યક્તિનો મોબાઈલ, લેપટોપ, ટૈબ વગેરે વસ્તુઓ ખરીદો છો, તો આવી સ્થિતિમાં તેને ઠીક કરવા માટે તે કોઈ પણ સર્વિસ સેન્ટરમાં લઈ જાય તો, રાઈટ ટૂ રિપેયર તેને સર્વિસ સેન્ટરને તે ગેજેટને રિપેયર કરી આપવાનું રહેશે. તે તેને રિપેયર કરવાની ના પાડી શકે નહીં કે તે પાર્ટ જૂનો થઈ ગયો અને હવે તે રિપેયર થશે નહીં. ત્યારે આવા સમયે કંપની ગ્રાહકોને નવો સામાન ખરીદવા માટે મજબૂર કરી શકશે નહીં. રાઈટ ટૂ રિપેયર કાયદા અંતર્ગત કંપની ગ્રાહકોને જૂનો સામાન રિપેયર કરવાની ના પાડી શકશે નહીં.

ગ્રાહકોને મળશે ફાયદો

કેટલીય વાર કંપનીઓ નવા ગેજેટ્સ બનાવવા લાગે છે અને જૂના પાર્ટ માર્કેટમાં મળવાના બંધ થઈ જાય છે. ત્યારે આવા સમયે ગ્રાહકોને રિપેયર ચાર્જ આપવાની જગ્યાએ નવો સામાન ખરીદવા માટે મજબૂર થવું પડે છે. આવા સમયે ગ્રાહકો પર નાણાકીય બોઝ આવે છે. આ કાયદો આવ્યા બાદ હવે કંપનીઓ કોઈ પણ સામાનના નવા પાર્ટ્સની સાથે સાથે જૂના પાર્ટ્સ પણ રાખવાના રહેશે. તેની સાથે જ કંપનીની આ જવાબદારી રહેશે કે તે જૂના પાર્ટ્સને બદલીને ખરાબ સામાનને રિપેયર કરી આપશે. તેનાથી ગ્રાહકોને કારણ વગર નવો સામાન લેવામાંથી છૂટકારો મળી જશે.

સરકાર ટૂંક સમયમાં લાવશે કાયદો

આપને જણાવી દઈએ કે, સરકાર આ કાયદા પર સતત કામ કરી રહી છે. ગ્રાહક વિભાગ તેના માટે સમિતિ બનાવી છે. આ પેનલની પ્રથમ બેઠક 13 જૂલાઈ 2022ના રોજ થઈ છે. આ કાયદામાં મોબાઈલ લેપટોપ, ટેબલેટ, ઓટોમોબાઈલ અને ઓટોમોબાઈલ ઉપકરણ જેવી અન્ય ચીજો સામેલ છે. આ કાયદા દ્વારા સરકાર જૂની વસ્તુઓને હટાવાની સંસ્કૃતિ બદલવા માગે છે.