સાવચેતી / હેલ્મેટ- સીટ બેલ્ટ ન પહેરનાર-બાંધનારને સરકારે દેખાડી 'લાલબત્તી', ફફડી ઉઠાય તેવી જાણકારી આપી

• 2021માં દેશમાં 4,12,432 માર્ગ અકસ્માતો થયા
• ટુ-વ્હીલર પર હેલ્મેટ ન પહેરવાને કારણે 46,593 લોકોએ જીવ ગુમાવ્યા
• દેશમાં એક વર્ષમાં 4,12,432 માર્ગ અકસ્માતો થયા

ભારતમાં ફોર વ્હીલરમાં સીટ બેલ્ટ અને ટુ વ્હીલરમાં હેલ્મેટ ન પહેરવું એ લોકો માટે સલામત બની રહ્યું છે. રોડ ટ્રાન્સપોર્ટ અને હાઈવે મંત્રાલયના રિપોર્ટમાં આ વાત સામે આવી છે. ભારતમાં 2021માં 16,397 લોકો સીટ બેલ્ટ ન પહેરવાના કારણે માર્ગ અકસ્માતમાં મૃત્યુ પામ્યા હતા. તે જ સમયે, ટુ-વ્હીલર પર હેલ્મેટ ન પહેરવાને કારણે 46,593 લોકોએ જીવ ગુમાવ્યા છે. 

ભારતમાં માર્ગ અકસ્માતો - 2021' શીર્ષક હેઠળનો અહેવાલ બહાર પાડ્યો
પરિવહન અને ધોરીમાર્ગ મંત્રાલય (MoRTH) એ 'ભારતમાં માર્ગ અકસ્માતો - 2021' શીર્ષક હેઠળનો અહેવાલ બહાર પાડ્યો છે. આ મુજબ, સીટ બેલ્ટ ન પહેરવાને કારણે ભારતમાં ફોર વ્હીલર અકસ્માતમાં 16,397 લોકોએ જીવ ગુમાવ્યા છે. તેમાંથી 8,438 ડ્રાઇવર છે, જ્યારે 7,959 મુસાફરો છે. તે જ સમયે, ટુ-વ્હીલર પર અકસ્માત સમયે હેલ્મેટ ન પહેરવાના કારણે 46,593 લોકોએ જીવ ગુમાવ્યા છે. તેમાંથી 32,877 બાઇક સવાર હતા, જ્યારે 13,716 સહ-યાત્રી હતા. 

દેશમાં એક વર્ષમાં 4,12,432 માર્ગ અકસ્માતો થયા
રિપોર્ટ અનુસાર, 2021માં દેશમાં 4,12,432 માર્ગ અકસ્માતો થયા હતા. જેમાં 153972 લાખ લોકોના મોત થયા છે. જ્યારે 384448 લોકો ઘાયલ થયા છે. રિપોર્ટમાં જણાવવામાં આવ્યું છે કે 2021માં સીટ બેલ્ટ ન પહેરવાને કારણે 39,231 લોકો ઘાયલ થયા હતા, જ્યારે 93,763 લોકો હેલ્મેટ ન પહેરવાના કારણે ઘાયલ થયા હતા. હેલ્મેટ અને સીટ બેલ્ટ જેવા સલામતી સાધનોનો ઉપયોગ કરવાથી અકસ્માત ન થાય, પરંતુ અકસ્માતની ઘટનામાં આ સાધનો જીવલેણ અને ગંભીર ઇજાઓને રોકવામાં મહત્વપૂર્ણ સાબિત થાય છે. 
 
ટાટા સન્સના ભૂતપૂર્વ ચેરમેન સાયરસ મિસ્ત્રીનું મહારાષ્ટ્રના પાલઘરમાં 4 સપ્ટેમ્બરે એક માર્ગ અકસ્માતમાં મૃત્યુ થયું હતું. તેમની કાર ડિવાઈડર સાથે અથડાઈ હતી. કારમાં સાયરસ મિસ્ત્રી તેમના મિત્ર જહાંગીર પંડોલે સાથે પાછળની સીટ પર બેઠા હતા અને બંનેએ સીટ બેલ્ટ પહેર્યા ન હતા. બંનેનું રોડ અકસ્માતમાં મોત થયું હતું. જ્યારે ડ્રાઈવર સહિત બે લોકોને ઈજા થઈ હતી. બંને આગળ બેઠા હતા અને સીટ બેલ્ટ પહેરેલા હતા, આમ બંનેનો જીવ બચી ગયો હતો.

ટુ વ્હીલરમાં બધા માટે હેલ્મેટ ફરજીયાત કરવામાં આવ્યું છે. એટલું જ નહીં કારમાં સીટ બેલ્ટ પહેરવો ફરજિયાત છે. તેમ ન કરવા બદલ દંડ પણ વસૂલવામાં આવે છે. મોટા ભાગના લોકો આ નિયમથી વાકેફ પણ છે, પરંતુ તેમ છતાં તેઓ તેનું પાલન કરતા નથી.