પીએમ કિસાન સન્માન નિધિના 12મા હપ્તા પર એક મોટું અપડેટ બહાર આવી રહ્યું છે. 31મી મેના રોજ 11મો હપ્તો આવ્યા બાદ હવે આગામી હપ્તો આ તારીખે આવશે
1 સપ્ટેમ્બરના રોજ દેશભરના ખેડૂતોને ગુડ ન્યૂઝ આપી શકે છે સરકાર
E-KYC કરાવનારાઓને જ ભવિષ્યમાં PM કિસાન નિધિનો લાભ મળશે
ઈ-કેવાયસી કરાવવાની છેલ્લી તારીખ લંબાવીને 31મી જુલાઈ કરવામાં આવી
પ્રધાનમંત્રી કિસાન સન્માન નિધિમાં લાંબા સમય બાદ એક મોટું અપડેટ સામે આવી રહ્યું છે. 31મી મેના રોજ પીએમ મોદી વતી 11મા હપ્તાના 2000 રૂપિયા ખેડૂતોના ખાતામાં ટ્રાન્સફર કરવામાં આવ્યા હતા. જે બાદ KYC કરવાની છેલ્લી તારીખ ફરી એકવાર લંબાવવામાં આવી હતી. પરંતુ હવે ખાતામાં 12મો હપ્તો ક્યારે આવશે તેની માહિતી સામે આવી રહી છે. આ યોજના હેઠળ સરકાર ખેડૂતોને વાર્ષિક 6 હજાર રૂપિયા આપે છે.
કેન્દ્ર સરકાર દ્વારા આ રકમ દરેક બે હજારના ત્રણ હપ્તામાં આપવામાં આવે છે. પ્રથમ હપ્તો દર વર્ષે એપ્રિલ 1 થી જુલાઈ વચ્ચે, બીજો હપ્તો 1 ઓગસ્ટથી નવેમ્બર અને ત્રીજો હપ્તો ડિસેમ્બરથી માર્ચ દરમ્યાન મોકલવામાં આવે છે. ખેડૂતોના ખાતામાં 31મી મેના રોજ પ્રથમ હપ્તો (11મો હપ્તો) આવી ગયો છે. અગાઉ 1 જાન્યુઆરી 2022ના રોજ ખાતામાં પાછલા વર્ષનો છેલ્લો હપ્તો મોકલવામાં આવ્યો હતો.
1લી સપ્ટેમ્બરે નાણાં આવવાની શક્યતા
હવે ખેડૂતો 12મા હપ્તાની રાહ જોઈ રહ્યા છે. આ હપ્તાના નાણાં ઓગસ્ટથી સપ્ટેમ્બર વચ્ચે ટ્રાન્સફર થવાની અપેક્ષા છે. કૃષિ મંત્રાલયના સૂત્રો પાસેથી પ્રાપ્ત માહિતી અનુસાર, સરકાર દ્વારા 1 સપ્ટેમ્બરના રોજ દેશભરના ખેડૂતોના ખાતામાં 12મો હપ્તો ટ્રાન્સફર કરવામાં આવે તેવી અપેક્ષા છે.
ઈ-કેવાયસી માટેની છેલ્લી તારીખ કઈ ?
સરકાર દ્વારા ઈ-કેવાયસી કરાવવાની છેલ્લી તારીખ લંબાવીને 31મી જુલાઈ કરવામાં આવી છે. જોકે સૂત્રોનું માનીએ તો 31 જુલાઈ પછી ઈ-કેવાયસીની તારીખ લંબાવવામાં આવશે નહીં. આવી સ્થિતિમાં, 31 જુલાઇ સુધીમાં ઇ-કેવાયસી કરાવનારાઓને જ ભવિષ્યમાં પીએમ કિસાન નિધિનો લાભ મળશે.
આ રીતે ઈ-કેવાયસી કરાવો
ઈ-કેવાયસી કરાવવા માટે પહેલા પીએમ કિસાન યોજનાની વેબસાઈટpmkisan.gov.inપર જાઓ.
અહીં ખેડૂતના ખૂણામાં માઉસ દ્વારા E-KYC ટેબ પર ક્લિક કરો.
નવા વેબ પેજ પર જે ખુલે છે, તેના પર આધાર નંબર દાખલ કરો અને સર્ચ ટેબ પર ક્લિક કરો.
તમારા રજિસ્ટર્ડ મોબાઈલ નંબર પર OTP આવશે.
OTP સબમિટ કર્યા પછી અહીં ક્લિક કરો.
આધાર રજિસ્ટર્ડ મોબાઇલ ઓટીપી દાખલ કરો અને તમારું ઇ-કેવાયસી થઈ ગયું.