સરકારે 15 વર્ષ જુના વાહનો માટેના રજિસ્ટ્રેશન ચાર્જ જાહેર કર્યાં છે જે 1 એપ્રિલ 2022થી લાગુ પડશે
15 વર્ષ જુના વાહનોને લઈને સરકારે બનાવ્યો નવો નિયમ
1 એપ્રિલથી 15 વર્ષ જુના વાહનોનું કરાવવું પડશે રજિસ્ટ્રે્શન
15 વર્ષ જુની કારના રજિસ્ટ્રેશન માટે 5,000 ચુકવવા પડશે
દ્વિચક્રી વાહનોની નોંધણી માટે 1000 ફી આપવી પડશે
સરકારે 15 વર્ષ જુના વાહનોને લઈને નવા નિયમ જાહેર કર્યાં છે. 1 એપ્રિલથી 15 વર્ષ જુના વાહનોની રજિસ્ટ્રેશન ફીમાં આઠ ગણો વધારો કરાયો છે. 15 વર્ષ જુની કારના રજિસ્ટ્રેશન માટે 5,000 તથા દ્વિચક્રી વાહનોની નોંધણી માટે 1000, તથા ઈમ્પોર્ટેડ કારની રિન્યુ ફી તરીકે 40,000 રુપિયા ચુકવવા પડશે.
રજિસ્ટ્રેશનમા વિલંબ કર્યો તો દર મહિને લાગશે 300નો દંડ
જો કોઈ વાહન માલિક પ્રાઈવેટ વ્હીકલ રજિસ્ટ્રેશનને રિન્યુ કરવામાં ઢીલ કરશે તો તેને દર મહિને 300 રુપિયાનો દંડ ચુકવવો પડશે. કર્મશિયલ વાહનો માટે 500 રુપિયાનો દંડ નક્કી કરાયા છે. મંત્રાલય દ્વારા જારી કરવામાં આવેલા નવા નિયમ અનુસાર 15 વર્ષ જુના પ્રાઈવેટ વાહનો માટે દર પાંચ વર્ષમાં રિન્યુઅલ કરાવવા પડશે.
1 એપ્રિલથી કારનું રજિસ્ટ્રેશન મોંઘું થશે.
મંત્રાલયના જણાવ્યા અનુસાર એપ્રિલથી જૂના ટ્રાન્સપોર્ટ અને કોમર્શિયલ વાહનોના ફિટનેસ ટેસ્ટનો ખર્ચ પણ વધવાનો છે. ટેક્સીઓ પર હાલના ₹1,000ના બદલે ₹7,000 ચાર્જ લેવામાં આવશે અને બસ અને ટ્રક પર ₹1,500ને બદલે ₹12,500 ચાર્જ લેવામાં આવશે. કોમર્શિયલ વાહન આઠ વર્ષથી વધુ જૂનું થયા બાદ તેમના માટે ફિટનેસ સર્ટિફિકેટ હોવું ફરજિયાત છે.