સૂત્રોના જણાવ્યા અનુસાર, કોરોના રસીનું પ્રથમ શિપમેન્ટ ડિસેમ્બરના અંતિમ સપ્તાહમાં દિલ્હી પહોંચી જશે, જોકે, તે હજુ સુધી તે સ્પષ્ટ નથી થયું કે કોરોના રસીની પ્રથમ બેચ કઇ કંપનીની રહેશે.
કોરોના રસીને લઈને આવ્યા મોટા સમાચાર
દિલ્હી આવી શકે છે કોરોનાનું પહેલું શિપમેન્ટ : સૂત્રો
રાજીવ ગાંધી હોસ્પિટલમાં તૈયારીઓ શરૂ : સૂત્રો
કોરોના મહામારીથી ત્રસ્ત દિલ્હીવાસીઓ માટે કઇંક અંશે રાહતના સમાચાર છે. સૂત્રોના જણાવ્યા અનુસાર, કોરોના રસી નું પ્રથમ શિપમેન્ટ ડિસેમ્બરના અંતિમ સપ્તાહમાં દિલ્હી પહોંચશે. જોકે, હજુ સુધી તે સ્પષ્ટ નથી થયું કે કોરોના રસી ની પ્રથમ બેચ કઇ કંપનીની રહેશે. સરકાર અથવા વહીવટીતંત્ર દ્વારા આ અંગે સત્તાવાર રીતે હજુ કોઈ નિવેદન બહાર પાડવામાં આવ્યું નથી.
દિલ્હીમાં આવી શકે છે વેક્સિનની પહેલી શિપમેન્ટ
દિલ્હીની રાજીવ ગાંધી હોસ્પિટલમાં કોરોના રસી ને સ્ટોર કરવા માટેની તૈયારી ચાલી રહી છે. નવું કોલ્ડ સ્ટોરેજ તૈયાર છે. રસીકરણના પ્રથમ તબક્કામાં, આરોગ્ય કર્મચારીઓને રસી આપવામાં આવશે, કોરોના રસી કેન્દ્ર માટે દિલ્હીમાં બે સ્થળોની ઓળખ કરવામાં આવી છે. રાજીવ ગાંધી સુપર સ્પેશિયાલિટી હોસ્પિટલનું નામ પણ આમાં શામેલ છે.
કોલ્ડ સ્ટોરેજ દ્વારા દિલ્હીની અંદર 600 સ્થળોએ કોરોના રસી આપવાની તૈયારી ચાલી રહી છે. રાજીવ ગાંધી હોસ્પિટલના ગ્રાઉન્ડ ફ્લોર અને પહેલા માળે ડીપ ફ્રીઝર, કુલર્સ, કોલ્ડ સ્ટોરેજ બોક્સ અને રસીની અન્ય આવશ્યક ચીજો સ્થાપિત કરવામાં આવી હતી. આ તમામ તૈયારીઓ 15 ડિસેમ્બર સુધીમાં પૂર્ણ કરી લેવામાં આવી છે.
વિવિધ તાપમાને સ્ટોર કરવાની સુવિધા ઊભી કરાઇ
કોલ્ડ સ્ટોરેજમાં, -40 ડિગ્રી, -20 ડિગ્રી અને 2 થી 8 ડિગ્રી વચ્ચેના તાપમાને વિવિધ રસીઓ માટે ફ્રીઝર લગાવવામાં આવ્યા છે. હમણાં સુધી, ફાઈઝર ઇન્ડિયા, સીરમ ઇન્સ્ટિટ્યૂટ ઓક્સફોર્ડ વેકસીન કોવિશિલ્ડ અને ભારત બાયોટેક કોવિસિન ઇમરજન્સીના કિસ્સામાં ઉપયોગ માટે પરવાનગી મેળવવા માટેની રેસમાં છે.
રાજીવ ગાંધી સુપર સ્પેશિયાલિટી હોસ્પિટલના ડિરેક્ટર ડો.બી.એલ. શેરવલે જણાવ્યું હતું કે, રસીકરણ દરમિયાન સેફટી માટે ડોકટરો, હેલ્થ વર્કરો અને અન્ય ઉપસ્થિત રહેશે. રસી ની યોગ્ય ડિલિવરી માટે સલામતીની પણ વ્યવસ્થા કરવામાં આવશે. જેથી રસીને યોગ્ય જગ્યાએ પહોંચાડી શકાય અને કોઈને પણ કઈં તકલીફ ન પડે.