એક WhatsApp ફોટોના કારણે લગભગ આઠ વર્ષ પછી ઝારખંડની રહેવાસી એક છોકરીની ઓળખાણ થઇ છે. જ્યારે છોકરીની તસ્કરી કરનારા લોકોએ તેને વર્ષો પહેલા 'મૃત' જાહેર કરી હતી.
મુળ ઝારખંડના ગુમલાની રહેવાસી છોકરી જોડે દિલ્હીમાં એક વ્યક્તિના ઘરમાં વગર પૈસા નોકરાણીનું કામ કરાવવામાં આવતું હતું. TOIની રીપોર્ટ મુજબ છોકરીના ભાઈએ ગુમલાની એન્ટિ-હ્યુમન ટ્રેફિકિંગ યુનિટમાં ફરિયાદ દાખલ કરાવી છે. છોકરીના ભાઈએ તે વ્યક્તિ સામે કાર્યવાહીની માંગ કરી છે જેને ત્યાં છોકરી જોડે જબરદસ્તી કામ કરાવવામાં આવતું હતું.
અહેવાલની ઉંડાણ વિશે જણાવીએ તો આ છોકરીને એક વ્યક્તિએ દિલ્હીમાં નોકરીની વાત કરીને લાવી હતી પરંતુ ત્યારબાદ તેના ઘરના લોકોને જણાવવામાં આવ્યું હતું કે તેનું મૃત્યુ થઇ ગયું છે.
આ વાતના ખુલાસા વિશે જણાવીએ તો થોડા દિવસો પહેલાં દિલ્હીમાં એક એજન્સીની પ્લેસમેન્ટ દરમિયાન ગુમલાની એક અન્ય છોકરીએ તેને જોઇ તો તેની તસ્વીર ખેંચી લીધી હતી. આ તસ્વીરને તેણે ઝારખંડના બસિયાના એક છોકરાને મોકલી હતી. ત્યારબાદ આ ફોટો પીડિત છોકરીના પરિવાર સુધી પહોંચ્યો અને આ કેસ વિશે ખુલાસો થયો.