અમદાવાદના વાડજમાં અનિલ નામનો શખ્સ વારંવાર ફોન પર પરિણીતાને સંબંધ રાખવા દબાણ કરતો હતો અને સાથે એસિડ અટેકની પણ ધમકી આપતો હતો
અમદાવાદમાં પરિણીતાને એસિડ અટેકની ધમકી
પરિણીતાના પ્રેમીએ દિયરને ફોન કરીને આપી ધમકી
પરિણીતાની શાકભાજી લેવા જાય ત્યાં પણ પહોંચતો હતો પ્રેમી
અમદાવાદના વાડજ વિસ્તારમાં પ્રેમીએ પરિણીતાના દિયરને ફોન કરી ધમકી આપીને કહ્યું કે, તારી ભાભી મારી છે હું ઉપાડી જઈશ. કહેતાં મામલો પોલીસ સ્ટેશનમાં પહોંચ્યો છે. પ્રેમી વ્યસની હોવાથી પરિણીતાએ સબંધ પૂરા કરી નાખ્યા હતા. છતાંય તે જ્યાં જાય ત્યાં પહોંચી જતો અને સંબંધ નહીં રાખે તો, એસિડ ફેંકવાની તથા બાળકોને ઉપાડી જવાની ધમકી આપતો હતો.
નવા વાડજમાં રહેતી 33 વર્ષીય પરિણીતા તેના પરિવાર સાથે રહે છે. પરિણીતા એક બિલ્ડિંગમાં સાફ સફાઈનું કામ કરવા જાય છે. મહિલાને સંતાનમાં ત્રણ બાળકો પણ છે. પરિણીતા જે કોમ્પ્લેક્સમાં કામ કરતી હતી. ત્યાં અનિલ વાઘેલા નામની વ્યક્તિ પણ કામ કરવા આવતી હતી. જેથી અનિલ આ પરિણીતાના સંપર્કમાં આવ્યો હતો. બંને વચ્ચે પ્રેમ સંબંધ બંધાયો હતો. જોકે પરિણીતાને જાણ થઈ કે તેનો પ્રેમી અનિલ સારો માણસ નથી અને તે નશો કરે છે.
આ વાતની જાણ થતાં જ પરિણીતાએ અનિલ સાથે સબંધ રાખવાનું બંધ કરી દીધું હતું. એક માસ પહેલાં કામ કરવાની જગ્યાએ પરિણીતા પડી જતાં તે કામ પર આવતી નહોતી અને ઘરે રહેતી હતી. છતાંય અનિલ ફોન કરીને સંબંધ રાખવા દબાણ કરતો હતો. જેથી મહિલાએ ઘસીને તેને ના પાડી દીધી હતી. મહિલા મંદિર કે શાકભાજી લેવા જાય ત્યાં બાઇક લઈને અનિલ પહોંચી જતો અને સંબંધ રાખવા દબાણ કરતો હતો.
પરિણીતાએ અનિલને કહ્યું કે, મારા પતિને જાણ થઈ ગઈ છે. છતાંય અનિલ પરિણીતાનો હાથ પકડી ધમકી આપી કે ફોનમાં ફોટો છે. તે તારા પતિને મોકલી બદનામ કરી દઈશ. એસિડ ફેંકી તારો ચહેરો પણ બગાડી દઈશ તથા તારાં છોકરાં પણ ઉપાડી જઈશ તેવી અનિલ ધમકી આપતો હતો. થોડા દિવસ પહેલાં અનિલે પરિણીતાના દિયરને ફોન કરીને કહ્યું કે, "તારી ભાભી તો મારી જ છે, હું તેને ઉપાડી જઈશ".આમ કહેતા. જેથી પરિણીતાનાં સાસરિયાંને જાણ થતાં પ્રેમી સામે વિરુદ્ધ વાડજ પોલીસ સ્ટેશનમાં ફરિયાદ નોંધાવી હતી.