જઘન્ય અપરાધ / યુવતી ભૈયા કહીને મદદ માંગતી રહી, નરાધમોએ ગેંગરેપનો વીડિયો બનાવ્યો, જાણો ક્યાં બની શરમજનક ઘટના

• ધોળા દિવસે યુવતીના જીવનમાં ઘૂંટાયું ઝેર 
• સામૂહિક દુષ્કર્મનો વિડીયો નરાધમોએ સોશિયલ મીડિયામાં કર્યો વાયરલ 
• આઈજી અમિતાભ ઠાકુરે ટ્વીટ કરી કર્યો ઘટનાનો પર્દાફાશ 

ઉત્તરપ્રદેશના બલિયામાં દિવસના પ્રકાશમાં એક જઘન્ય ગેંગરેપની ઘટના સામે આવી હતી. યુવતી હાથ જોડીને મોટા ભાઈ કહીને પોતાની આબરૂ માટે વીનવતી રહી પરંતુ નરાધમોએ તેની એક પણ સાંભળી નહિ,પહેલા યુવતીને માર મારવામાં આવ્યો, પછી છોકરાઓએ તેના પર એક પછી એક દુષ્કર્મ ગુજાર્યો. આ વીડિયો સોશિયલ મીડિયા પર વાયરલ થઈ રહ્યો છે. એસપીએ જણાવ્યું કે આ કેસમાં ગુનો નોંધવામાં આવ્યો છે અને આરોપીઓની શોધ કરવામાં આવી રહી છે.

ઉત્તરપ્રદેશ આઈજીએ કર્યો ઘટનાનો પર્દાફાશ 

આઈજી ઉત્તરપ્રદેશ અમિતાભ ઠાકુરે ટ્વીટ કરીને ગેંગરેપની ઘટનાનો પર્દાફાશ કર્યો હતો અને તેની પાસેના ફેફના પોલીસ સ્ટેશનમાં ફરિયાદ નોંધાવી હતી. આ સાથે જ પોલીસે આ મામલે ગંભીરતાથી તપાસ શરૂ કરી છે અને આરોપીને પકડવાના ચક્રો ગતિમાનકર્યા છે. પોલીસનું કહેવું છે કે તમામ આરોપીઓને વહેલી તકે પકડવામાં આવશે અને પીડિતાને સંપૂર્ણ ન્યાય મળશે.

સોશિયલ મીડિયા પર ગેંગરેપનો વીડિયો વાયરલ થયો છે

સોશિયલ મીડિયા પર વાયરલ થયેલા આ વીડિયોમાં તે સ્પષ્ટપણે જોઇ શકાય છે, ઘણા છોકરાઓએ એકાંત જગ્યાએ છોકરીને ઘેરી લીધી છે અને મજબૂર કરવામાં આવી રહી છે. છોકરી છોકરાઓની આગળ હાથ પગ જોડીને ભીખ માંગી રહી છે પરંતુ છોકરાઓ તેની વાત સાંભળતા નથી અને તેની સાથે જબરદસ્તી અને મારઝૂડ કરી રહ્યાં હોય છે.

પોલીસ આરોપીની શોધ કરી રહી છે

એસપીનું કહેવું છે કે સોશિયલ મીડિયાથી સંજ્ઞાન લીધા પછી, FIR નોંધીને નક્કર કાર્યવાહી કરવામાં આવશે.  હજી પીડિતા અથવા તેના પરિવારનો કોઈ સભ્ય આગળ આવ્યો નથી. પરંતુ પોલીસ આરોપીની શોધ કરી રહી છે. અને દરેકને પકડીને જેલના સળિયા પાછળ પહોંચાડી દેવામાં આવશે.