લોકડાઉનમાં એક પ્રેમીકાએ પરણિત પ્રેમીના ઘરે રહેવા જવાની જીદ પકડી પછી થયું કંઈક આવું. વટવામાં રહેતી જીનલ (32) અને મેહુલ (36)ના લગ્નજીવનને 13 વર્ષ થયા હતા. આ દરમિયાન તેઓ 2 સંતાનોના માતા પિતા બન્યા હતા. અચાનક જીનલના ફોન પર એક રિંગ વાગે છે. ફોન પર સામે તેની જ સોસાયટીમાં રહેતી 21 વર્ષીય વર્ષા બોલી. જીનલ, હું તારા ઘરે આવી તારા પતિ સાથે રહું તો તને વાંધો છે? જીનલે કોણ જાણે કઈ મજબૂરીમાં કહ્યું ના. મને વાંધો નથી. ’
જીનલનો પ્રશ્ન હતો કે પિયરની આર્થીક સ્થિતિ સારી ન હોવાથી તે ક્યા જાત
વર્ષા બળાત્કારના ટ્રોમામાંથી બહાર નિકળવામાં પરણિત પુરુષનાં પ્રેમમાં પડી
મેહુલ વર્ષનું રુપ જોઈ અંજાઈ ગયો, પોતે પરણિત છે એ પણ ભૂલી ગયો
જીનલની મંજૂરીથી વર્ષા અને મેહુલના હરખનો પાર ન રહ્યો. પણ જીનલનું શરીર ઠંડુ પડી ગયું હતું તેમ છતાં આંખમાંથી એક આંસુ નહોતું પડવા દીધું. મેહુલ તેને આમ કરવા ન તો દબાણ કર્યુ હતું ન જીનલ સાથે મારઝૂડ કરી હતી તો પછી એવી તો કઈ મજબૂરી હતી કે જીનલ પોતાના પતિને પરસ્ત્રીને સોંપવા તૈયાર થઈ ગઈ હતી. એ તો જીનલના સાસરી કે મેહુલ પણ ન સમજી શક્યો.
બીજી તરફ 21 વર્ષીય વર્ષાએ મેહુલના ઘરે જવાની તૈયારી કરી. કંટાળેલા માતા પિતાએ મહિલા હેલ્પલાઈન 181 અભયમ્’ની મદદ માંગી કહ્યું અમારી દીકરી લોકડાઉનમાં પરણિત પ્રેમીના ઘરે રહેવા માટે જાય છે. એને રોકો. તેમની મદદ માટે હેલ્પલાઈનના કાઉન્સિલર શીતલબહેન ત્યાં પહોંચ્યા.
વર્ષાના માતાએ શિતલબહેનને જણાવ્યુ કે કેટલાક વર્ષો પહેલા વર્ષા સામુહિક બળાત્કારનો ભોગ બની હતી. તેને ટ્રોમામાંથી બહાર કાઢવા માટે અમે વર્ષાને નોકરી કરવાની છુટ આપી હતી. વર્ષા ચાંગોદરની એક ફાર્માસુટિકલ કંપનીમાં નોકરી કરે છે. તેની જ કંપનીમાં અમારી જ સોસાયટીમાં રહેતો 36 વર્ષીય પરણિત મેહુલ પણ નોકરી કરે છે. બંન્નેને કંપનીની બસમાં સાથે નોકરીએ જાય અને સાથે પાછા આવે. આ દરમિયાન છેલ્લા 10 મહિનાથી બન્ને વચ્ચે પ્રેમ પાંગર્યો છે. લોકડાઉન દરમિયાન પણ તેમની નોકરી ચાલુ જ હતી.
વર્ષાની માતાએ વાત આગળ ધપાવતા કહ્યું બેન બન્ને હંમેશા માટે સાથે રહેવાની જીદ પકડીને બેઠા છે. મારી મેહુલની પત્નીએ વર્ષાને મેહુલ સાથે રહેવાની હા પાડી દેતા અમારી દીકરી ઝઘડો કરે છે કે તેની પત્નીને વાંધો નથી તો તમને કેમ છે. એની આ ત્રણેયને સમજાવો.
શીતલબહેને જ્યારે જીનલને પુછ્યુ કે તમે કેમ કોઈ સ્ત્રીને પોતાનો પતિ સોંપવા તૈયાર થઈ ગયા? ડુમો ભરેલા અવાજે જીનલે કહ્યુ બેન મારા પિયરમાં પિતા નથી. મારા મમ્મી લોકોના ઘરેથી માંગીને માંડ બે ટંક જમી શકે છે. હું છુટાછેડા આપીને મારા બે બાળકો સાથે ત્યાં જતી રહુ તો મારા બાળકોનું શું? જો હું તેમના સંબંધ સ્વીકારી લઉ તો મને અને મારા બાળકોને આશ્રય મળી રહે. બસ આજ મજબૂરીને લીધે મે હા પાડી છે.
અંતે કાઉન્સિલર શીતલબહેને જીનલનું કાઉન્સલિંગ કર્યા બાદ વર્ષા અને મેહુલનું પણ કાઉન્સેલિંગ કરતા તેઓને પરિસ્થિતી સમજાયી હતી. તેમજ મેહુલ અને વર્ષાએ લેખિતમાં બાંહેધરી આપી હતી કે તેઓ હવે એકબીજાની જીંદગીમાં દખલ નહીં દે.
(પાત્રોના નામ બદલેલ છે.) સ્ટોરીઃ ધર્મિષ્ઠા પટેલ, અમદાવાદ