બિહારમાં લૉકડાઉન ચાલી રહ્યુ છે ત્યારે લોકો કોરોનાથી બચવા પોત પોતાના ઘરમાં છે ત્યારે એક યુવતીએે લૉકડાઉનનો નિયમ તોડીને હાઇવોલ્ટેજ ડ્રામા કર્યો હતો.
પટનામાં એક છોકરીએ કર્યો હાઇ વોલ્ટેજ ડ્રામા
લૉકડાઉનમાં રાત્રે નીકળી હતી છોકરી
પોલીસને આપી નોકરી જવાની ધમકી
રાત્રે છોકરી હેલ્મેટ વગર ફરતી હતી અને તે દરમિયાન પોલીસની નજર તે છોકરી પર પડી તો તેને રોકીને ચલાણ કાપવામાં આવ્યુ ત્યારે છોકરી એટલી તો ભડકી ગઇ કે રોડ પર જ ડ્રામા કરવા લાગી હતી.
પટનાના બોરિંગ રોડ ચાર રસ્તા પર એક છોકરીએ હાઇ વોલ્ટેજ ડ્રામા કર્યો. છોકરીએ પોલીસ સાથે ઘટનાસ્થળ પર મિડીયાકર્મીઓ સાથે તૂતૂ મેમે કરવા લાગી હતી.
છોકરી ડ્યુટી પર રહેલા પોલીસકર્મીઓને કહેવા લાગી કે મારુ ચલાણ નહી કાપી શકો. સરકાર સમજ્યા વગર લૉકડાઉન લગાવી દે છે અને સામાન્ય જનતાને ખુબ તકલીફ થાય છે. છોકરીએ પોલીસકર્મીઓને ખખડાવતા કહ્યું કે જો મારુ ચલાણ કાપ્યુ તો તમારી નોકરી ગુમાવી બેસશો. આ ઘટનાનો વીડિયો સોશ્યલ મિડીયા પર ખુબ વાયરલ થઇ રહ્યો છે.
આ વચ્ચે છોકરીને ખુબ પ્રેમથી સમજાવવાનો પ્રયત્ન કર્યો હતો પરંતુ છોકરી કોઇની વાત માનવા તૈયાર ન હતી. તે બોલવા લાગી કે આજે 11 વાગે મારે ટ્રેન પકડવાની હતી અને છેલ્લા 3 કલાકથી સ્ટેશન જવા માટે હું ગાડી શોધી રહી છુ અને કોઇ ગાડી નથી મળી રહી. એટલા માટે હું આ રીતે ફરી રહી છું.
રસ્તા પર આ હાઇવોલ્ટેજ ડ્રામા ચાલુ રહ્યો હતો અને છોકરી જોર જોરથી બોલી રહી હતી કે લોકો ભૂખ્યા મરી રહ્યા છે અને કોઇ સાંભળવાવાળુ નથી. બસ સરકારને લોકડાઉનની પડી છે. જેનાથી સામાન્ય લોકો પરેશાન થઇ રહ્યાં છે. હું વગર હેલ્મેટે નીકળી છુ તો હવે તેનો ફાઇન કાપી રહ્યાં છો.
કહેવામાં આવી રહ્યું છે કે આ છોકરી પહેલા પણ આવા ડ્રામા કરી ચૂકી છે. પોલીસ કોરોનાકાળમાં સખ્તી વર્તી રહી છે અને પોલીસનું કહેવુ છે કે કાયદાનું ઉલ્લંઘન કરનારા લોકો પર કડકાઇથી જ વર્તન કરવામાં આવશે.