કરોડોનો ખર્ચ કરી સરકારે લેબમાં મશીન આપ્યુ પણ હજુ સુધી મંજૂરી કેમ નથી આપી તે મોટો સવાલ
સુરતમાં જીનોમ સિક્વન્સ લેબ ઉભી કરાઈ પરંતુ શરૂ કરાતી નથી
જીનોમ સિક્વન્સ ટેસ્ટિંગ માટે મશીન પણ ખરીદી લેવાયુ છે
સરકારે લેબમાં મશીન આપ્યુ પણ હજુ સુધી નથી આપી મંજૂરી
સુરતમાં કોરાનાના વેરિએન્ટને શોધવા માટે વીર નર્મદ દક્ષિણ ગુજરાત યુનિવર્સિટીમાં જીનોમ લેબ ઊભી કરવામાં આવી છે. પરંતું હાલ આ લેબ શોભાના ગાંઠિયા સમાન જોવા મળી રહી છે. જીનોમ લેબનું મુખ્યકાર્ય કોરોના વાઈરસમાં આવતા નવા વેરિએન્ટને શોધવાનું હોય છે. કોરોના સંક્રમણ દરમિયાન ખૂબ જ મોટા પ્રમાણમાં સેમ્પલો ગાંધીનગર અને પુણે ખાતેની લેબમાં જતા હોવાથી તેનો રિપોર્ટ આવતા ખૂબ સમય વીતી જતો હતો. તેને ધ્યાનમાં રાખીને સુરત ખાતે જીનોમ લેબ શરૂ કરવામાં આવી હતી. જો કે હાલ આ લેબમાં કોઈપણ સેમ્પલ મોકલવામાં આવી રહ્યા નથી. કારણ કે સરકારે લેબમાં મશીન આપ્યુ પણ હજુ સુધી મંજૂરી આપી નથી.
કરોડો રૂપિયાનો ખર્ચ પણ સુવિધા આપવામાં ઠાગાઠૈયા
ઓમિક્રોનની દહેશત છતાં સુવિધાનો ઉપયોગ કરવામાં આવતો નથી. IMCR દ્વારા મંજૂરી આપ્યા બાદ કરોડો રૂપિયા લેબમાં સેફ્ટી સ્ટાન્ડર્ડ માટે ખર્ચવામાં આવ્યા છે. છતાં પણ ઘર આંગણે જે સુવિધા છે તેનો કોઈ ઉપયોગ કરવામાં આવી નથી રહ્યો. અને સેમ્પલ ગાંધીનગર અને પુણે મોકલાય છે. આપને જણાવી દઈએ કે, જીનોમ સિક્વન્સ ટેસ્ટિંગ માટે IMCR નક્કી કરે તે લેબ અને તે સ્થળે જ ટેસ્ટિંગ માટે સેમ્પલ મોકલવામાં આવે છે.IMCR દ્વારા મંજૂરી આપ્યા બાદ કરોડો રૂપિયા લેબમાં સેફ્ટી સ્ટાન્ડર્ડ માટે ખર્ચી નાખવામાં આવ્યા છે. પણ ખર્ચો કરી તેનો ઉપયોગ કરવાનું ટાળી કેમ રહ્યા છે તે મોટો સવાલ છે.
VTV ગુજરાતીના સળગતા સવાલ
જીનોમ સિકવન્સ લેબનો ઉપયોગ કેમ નહીં?
ઓમિક્રોનની દહેશત છતાં સુવિધાનો ઉપયોગ કેમ નહીં?
લેબની વ્યવસ્થા,મશીનની ખરીદી છતાં મંજૂરી કેમ નહીં?
શું સરકાર મંજૂરી માટે દિવસો પસાર કરી રહી છે?
ICMR તરફથી મંજૂરી મેળવવામાં શું અવરોધ આવી રહ્યાં છે?
લેબ ટેસ્ટિંગ માટે હજુ કીટ કેમ નથી મોકલવામાં આવી?
લેબ માટે લાખો રૂપિયા ખર્ચાયા તો પછી ઉપયોગ કેમ નહીં?
સુરતમાં લેબ હોવા છતાં સેમ્પલ કેમ ગાંધીનગર-પૂણે મોકલવા પડે છે?
શું કહેવું છે સુરત તંત્રનું?
વીર નર્મદ દક્ષિણ ગુજરાત યુનિવર્સિટીના અધિકારી સાથે થયેલી વાતમાં તેમણે ખુલાસો કર્યો છે કે હાલ સુરત વીર નર્મદ દક્ષિણ ગુજરાત યુનિવર્સિટી ખાતે જે જીનોમ લેબ ઉભી કરવામાં આવી છે તેમાં સેમ્પલ મોકલવામાં આવી રહ્યા નથી. દરેક સેમ્પલને તપાસવા માટેના એક ચોક્કસ ક્રાઈટેરિયા હોય છે તે મુજબ તેની તપાસ કરવામાં આવે છે.તમામ સુવિધા હોવા છતાં પણ અહી સેમ્પલ ટેસ્ટિંગ માટે અન્ય જિલ્લા પર આધાર રાખવો પડી રહ્યો છે. જે આયોજન સામે આગળી ચીંધી છે. સરકારે લેબમાં મશીન આપ્યુ પણ હજુ સુધી મજૂરીમાં કેમ ધાંધલી કરવામાં આવી રહી છે તેનો કોઈ પાસે જવાબ નથી.