શું વાત છે! /  નસીબનું ગિયર બદલાયું! 56 વર્ષનો રિક્ષા ડ્રાઈવર રાતોરાત બન્યો 12 કરોડનો માલિક, જાણો શું છે મામલો 

• લોકો તેમને રિક્ષાવાળા કહીને બોલાવતાં હતાં. 
• ઓણમ બંપર લોટરીમાં રૂપિયા 12 કરોડનો જેક પોટ લાગ્યો 
• ટીવીમાં પોતાનો નંબર જોયા બાદ ખબર પડી 
• દર વર્ષે ઓણમ બંપર ટિકીટ ખરીદતો હતો.

લોકો તેમને રિક્ષાવાળા કહીને બોલાવતાં હતાં. 

56 વર્ષીય જયપાલન પીઆરે વિચાર્યું પણ નહીં હોય કે તેઓ એક દિવસ 12 કરોડ રુપિયાના માલિક બની જશે. ગરીબ અને મધ્યમ પરિવારના લોકો માટે આટલી મોટી રકમ પ્રાપ્ત કરવીએ કોઈ સ્વપ્ન સમાન જ હોય છે. અને જયપાલનતો વ્યવસાયે રીક્ષાચાલક છે, લોકો તેમને ઓટો વાળા ભાઈ કહીને બોલાવતા હતા પરંતુ આજે આખું કેરળ તેમના વિષે જાણવા ઉત્સુક છે. જયપાલન કોચિ પાસે મરાડુમાં પોતાના 95 વર્ષીય માતા, પત્ની અને બે બાળકો સાથે રહે છે. તેમણે પોતાના બાળકોના સુવર્ણ ભવિષ્ય માટે ખૂબ મહેનત કરી. જો કે, હવે તેમનું જીવન સંપૂર્ણપણે બદલાઈ ગયું છે. હવે તે કરોડો રુપિયાના માલિક બની ગયા છે અને તેઓ પોતાના સપના સાકાર કરશે.

ટીવીમાં પોતાનો નંબર જોયા બાદ ખબર પડી 

જયપાલન જણાવે છે કે, તેમને ટીવીના માધ્યમથી બંપર પ્રાઈઝ જીતનારા લોટરીના નંબર વિષે જાણવા મળ્યું. જ્યારે તેમણે ટીવીમાં પોતાનો નંબર જોયો તો તેમની ખુશીનું કોઈ ઠેકાણુ નહોતું. રિપોર્ટ અનુસાર, સોમવારે સવારે જયપાલને કેનરા બેન્કની પલ્લીનાડા બ્રાન્ચમાં ટિકિટ જમા કરાવી છે. ત્યારપછી જ તેઓ બંપર લોટરી જીત્યા હોવાની ખબર વાયરલ થઈ છે.

લોટરીની ટિકીટમાં રૂપિયા 12 કરોડનો જેક પોટ લાગ્યો 

જયપાલન રીક્ષા ચલાવીને પોતાના પરિવારનું ગુજરાન ચલાવે છે. રવિવારના રોજ ઓણમ બંપર લોટરીના વિજેતાનું નામ જાહેર કરવામાં આવ્યુ હતું. આ જાહેરાત પછી જયપાલનના દિવસો બદલાઈ ગયા છે કારણકે તેમણે 12 કરોડની લોટરી જીતી છે. આ પરિણામ જાહેર થયા પછી લોકો જાણવાનો પ્રયત્ન કરી રહ્યા છે કે આખરે 12 કરોડના વિજેતા જયપાલન કોણ છે.

દર વર્ષે ઓણમ બંપર ટિકીટ ખરીદતો હતો.

ઉલ્લેખનીય છે કે જયપાલન દર વર્ષે જ ઓણમ બંપર ટિકિટ ખરીદતા હતા. તેઓ જણાવે છે કે, હું લગભગ દરેક સીઝનમાં માત્ર એક જ બંપર ટિકિટ ખરીદુ છું. અને આ વર્ષે નસીબે મારો સાથ આપ્યો. પરિવાર આ રકમનો ઉપયોગ ઘર બનાવવામાં અને દેવું ચૂકતે કરવા માટે કરશે. રવિવારના રોજ જાહેર કરવામાં આવેલા વિજેતા જયપાલનની લોટરીનો નંબર TE-645465 છે. તેમણે 10 સપ્ટેમ્બરના રોજ ત્રિપુનિથુરામાં મીનાક્ષી લોટરી પાસેથી ટિકિટ ખરીદી હતી. કુલ 12 કરોડ રુપિયામાંથી 10 ટકા પૈસા એજન્સી કમિશન તરીકે લેશે. ટેક્સ કપાયા પછી જયપાલનને લગભગ 7.39 કરોડ રુપિયા મળશે.