રસપ્રદ / ફરાર પ્રેમીપંખીડાનો કોરોના રસીકરણે લગાવ્યો પત્તો, જુઓ એવું તો શું થયું ?

• જોધપુર રાજસ્થાનનો રસપ્રદ કિસ્સો
• 3 વર્ષથી દંપત્તીને પોલીસ ન શોધી શકી
• કોરોના રસીકરણે શોધી નાખ્યા દંપત્તીને 

કોરોના રસીકરણ સાથે જોડાયેલી ઘણી વાતો દરરોજ સાંભળવા મળી રહી છે. પરંતુ જોધપુરની જે કહાની સામે આવી છે તે સાંભળીને તમે દંગ રહી જશો. કોરોના રસીકરણે ફરાર દંપતીનું સરનામું આપ્યું જેને પોલીસ ત્રણ વર્ષથી શોધી શકી ન હતી. છેને રસપ્રદ કિસ્સો.  આવો જાણીએ વિગતવાર 

2019માં ઘર છો઼ડીને ભાગી ગયા હતા

2019માં મગરા પુંજલાના ગાંધી નગરમાં રહેતો યુવક ITIમાં જવાની વાત કરીને ઘરેથી નીકળી ગયો હતો. પરંતુ તે પાડોશમાં રહેતી યુવતી સાથે ગાયબ થઈ ગયો હતો. યુવતીના ગુમ થયા બાદ સંબંધીઓએ પોલીસ સ્ટેશનમાં ગુમ થયાની ફરિયાદ નોંધાવી હતી. આ સાથે તેણે યુપી, હરિયાણા અને દિલ્હી વગેરેમાં પણ શોધખોળ કરી, પરંતુ બંને ક્યાંય મળ્યા નહીં. યુવક ઝોમેટોમાં ફૂડ ડિલિવરીનું કામ કરતો હતો. પોલીસે ઝોમેટો કંપનીની પણ પૂછપરછ કરી હતી. પરંતુ તેમાં પણ સફળતા મળી ન હતી.

ઘર નંબર સાથે આધાર લિંક કરવામાં આવ્યું હતું

પોલીસ ફરિયાદ નોંધ્યે 3 વર્ષ વીતી ગયા. આ દરમિયાન અચાનક યુવતીના પરિવારને આધારની લિંક મળી.  યુવક અને યુવતીને ચંદીગઢમાં કોરોનાની રસી લીધી હતી. યુવતીએ આઘાર ઘરના નંબર સાથે જ લિંક કરાવ્યુ હતું. આ સ્થિતિમાં ઘરના મોબાઇલ પર મેસેજ આવ્યો અને પરિવારને જાણ થઇ કે યુવક અને યુવતી ચંદીગઢમાં જ છે. પોલીસ ચંદીગઢ પહોંચી અને બંનેને જોધપુર લઈ આવી.

ચંદીગઢ વેક્સિન સેન્ટર પાસે જ રહેતા હતા

જોધપુરથી ભાગીને પ્રેમી યુગલ પહેલા દિલ્હી પહોંચ્યું હતું. ત્યારબાદ બંને ચંદીગઢમાં રહેવા લાગ્યા. ચંદીગઢમાં બંનેએ લગ્ન કરી લીધા અને એક રૂમ સાથે રહેવા લાગ્યા. આ પછી બંનેએ ત્યાં પણ કામ કરવાનું શરૂ કર્યું. કોરોનાના સમયગાળા દરમિયાન પણ બંને ઘરે પરત ન ફર્યા અને સરકાર તરફથી મળેલા રાશન વગેરે સાથે જીવન ગુજારતા રહ્યા. પરંતુ કોરોના વેક્સીનની નોંધણીના કારણે બંને પોલીસના હાથે ઝડપાઈ ગયા હતા.

હાઈકોર્ટે પોલીસને લગાવી હતી ફટકાર

પોલીસ યુવકને શોધવામાં નિષ્ફળ જતાં પરિવારજનોએ રાજસ્થાન હાઈકોર્ટમાં હેબિયસ કોર્પસ પિટિશન દાખલ કરી હતી. અરજીની સુનાવણીમાં કોર્ટે પોલીસને કડક ઠપકો આપી યુવકને જલ્દી કોર્ટમાં રજૂ કરવા આદેશ કર્યો હતો. પરંતુ પોલીસને કોઇ સફળતા હાથ લાગી ન હતી. હાઈકોર્ટમાં ફરી સુનાવણી પહેલા જ કોરોનાની રસીએ પોલીસનું કામ સરળ બનાવી દીધું.