અગાઉ જ્યારે સમાચાર આવ્યા હતા કે વર્લ્ડ બેંક તેના ઈઝ ઓફ ડુઈંગ રિપોર્ટનું પ્રકાશન બંધ કરી રહ્યું છે, ત્યારે કોંગ્રેસના નેતા જયરામ રમેશે કહ્યું હતું કે બોગસ અહેવાલ પાછળ મોદી સરકાર પોતાની ઉર્જા ખર્ચ કરી રહી છે, જો કે હવે સમાચાર આવ્યા છે કે ભારતને આ ઘટનાક્રમ સાથે કંઈ લેવાદેવા નથી
વર્લ્ડ બેન્કનો રિપોર્ટ ઈઝ ઓફ ડુઈંગ બિઝનેસ વિશે આવે છે
બેંકે આ વર્ષે આ રિપોર્ટ પ્રકાશિત કરવાનું બંધ કર્યું હતું
કોંગ્રેસના નેતાઓએ મોદી સરકારને આ માટે દોષી ઠેરવી હતી
વર્લ્ડ બેંકે વેપાર કરવામાં સરળતા અંગે પ્રકાશિત થનારા 'ઇઝ ઓફ ડૂઇંગ બિઝનેસ રિપોર્ટ'નું પ્રકાશન બંધ કર્યું છે. આ સમાચાર આવ્યા પછી, ભારતમાં કોંગ્રેસના નેતાઓએ મોદી સરકાર પર માછલાં ધોયા હતાં, પરંતુ હવે એવા સમાચાર આવ્યા છે કે ભારતને આ સાથે કંઈ લેવાદેવા નથી અને ચીન સહિત ચાર દેશોની ગડબડને કારણે વર્લ્ડ બેંકે આ રિપોર્ટનું પ્રકાશન બંધ કરવું પડ્યું છે.
આ ચાર દેશોએ ગડબડ કરી
વિશ્વ બેંકે છેલ્લા વર્ષની 'ઇઝ ઓફ ડૂઇંગ બિઝનેસ' ની સૂચિની સમીક્ષા કરવાનું નક્કી કર્યું છે અને હાલમાં આ વર્ષે ઓક્ટોબરમાં આવતા બિઝનેસ રેન્કિંગની સૂચિ પર પ્રતિબંધ મૂક્યો છે. વોલ સ્ટ્રીટ જર્નલના જણાવ્યા અનુસાર, વર્લ્ડ બેંકે ચાર દેશો દ્વારા કંઇક ગડબડ કર્યાના શંકાના આધારે આ પગલું ભર્યું છે. આ 4 દેશો ચીન, સંયુક્ત આરબ અમીરાત (UAE) અઝરબૈજાન અને સાઉદી અરેબિયા છે.
2019 માં જારી થયેલી 'ઇઝ ઓફ ડૂઇંગ બિઝનેસ' ની સૂચિમાં આ દેશો ભારતથી ઉપર હતા. છેલ્લા કેટલાક વર્ષોમાં, તેમની રેન્કિંગમાં બહુ મોટો ઉછાળો જોવા મળ્યો છે. પાંચ વર્ષ પહેલાં, ચીન 90 માં ક્રમે હતું, જ્યારે ગયા વર્ષે તે 31 પર પહોંચ્યું હતું. છેલ્લા વર્ષ દરમિયાન ભારતની રેન્કિંગમાં પણ 79 ક્રમાંકનો ઉછાળો નોંધાયો છે અને તે 2019 ની યાદીમાં તે 63મા સ્થાન પર પહોંચી ગયું છે.
કોંગ્રેસના નેતાએ મોદી સરકારપર સાધ્યું હતું નિશાન
અગાઉ, જ્યારે એવો અહેવાલ આવ્યો હતો કે વર્લ્ડ બેંક તેના રિપોર્ટનું પ્રકાશન બંધ કરી રહી છે, ત્યારે કોંગ્રેસના નેતા અને પૂર્વ કેન્દ્રીય પ્રધાન જયરામ રમેશે કહ્યું હતું કે આવા બોગસ અહેવાલ પાછળ મોદી સરકાર ચાલે છે. તેમણે ટ્વિટ કરીને કહ્યું હતું કે, પીએમ મોદી વર્લ્ડ બેંકની સૂચિમાં સુધાર થવા પર ખુબ જ દાંડીઓ પીટી રહ્યાં હતા."
જયરામ રમેશે વધુમાં જણાવ્યું હતું કે " જો કે ડેટા અને કાર્યપદ્ધતિમાં ગેરરીતિઓને કારણે હવે વર્લ્ડ બેંકે હવે આ રિપોર્ટને પ્રકાશિત કરવાનું બંધ કર્યું છે. ત્યારે આ સરકાર તેની ઉર્જા બોગસ રેન્કિંગની પાછળ બગાડી રહી છે જ્યારે આપણા MSMEની હાલત સતત કથળી રહી છે.
વર્લ્ડ બેંકે કહ્યું, 'ઓક્ટોબર 2017 અને ઓક્ટોબર 2019 માં પ્રકાશિત થનારી સૂચિના ડેટા સાથે ગડબડ થઈ છે. તેઓ છેલ્લા 5 વર્ષન ડેટાને રિવ્યુ કરી રહ્યા છે. તેના આધારે, જે દેશોની રેન્કિંગને અસર થઈ તે દેશોની રેન્કિંગમાં સુધારો કરવાંઅ આવશે.