પૂર્વ પત્નીએ પતિને બદનામ કરવા બનાવ્યું ફેક એકાઉન્ટ અને પછી....

સોશ્યલ મીડિયા પર ખોટી આઈ.ડી બનાવી અશ્લીલ અને બિભત્સ ફોટો  વાયરલ કરી લોકોને બદનામ કરવાની ફરીયાદમાં ધરખમ વધારો જોવા મળી રહ્યો છે.

શહેરના સાબરમતી વિસ્તારમાં રહેતી મહિલાએ ફરીયાદ દાખલ કરી કે કોઈક દ્વારા ફેસબુક પર ખોટી આઈ.ડી બનાવી તેના એટલે કે ફરીયાદીના ફોટા તેના પરીવારજનોને મોકલવામાં આવી રહ્યાં છે.

શહેરના સાબરમતી વિસ્તારમાં રહેતી મહિલા ફરીયાદી સાઈબર ક્રાઈમ ખાતે ફરીયાદ દાખલ કરી હતી કે ફેસબુક પર કોઈએ નિષા વર્મા નામનું ફેક અકાઉન્ટ બનાવી તેના એટલે કે ફરીયાદી મહિલાના બિભત્સ ફોટા તથા સંદેશો લોકોને મોકવામાં આવતા હતા. 

એટલું જ નહીં આ ફેક અકાઉન્ટથી ફરીયાદી મહિલાના ફોટા તેના પતિ સહિત પરીવારજનોને પણ મોકલવામાં આવતા હતા. જેની જાણ થતાં મહિલાએ સાઈબર ક્રાઈમ ખાતે ફરીયાદ દાખલ કરી હતી.

સાઈબર ક્રાઈમ ખાતે આ અંગેની ફરીયાદ દાખલ થતાં પોલીસે કેટલાક ટેકનીકલ પાસાઓની મદદથી ફેક અકાઉન્ટ બનાવી ફરીયાદી મહિલાના અશ્લીલ ફોટો વાયરલ કરતી મહિલા આરોપીની ધરપકડ કરી હતી.

ઝડપાયેલી આરોપી મહિલા જેનું નામ વિમલાદેવી જાટ છે તે ફરીયાદી મહિલાના પતિની પૂર્વ પત્ની હોવાનું સામે આવ્યું છે. ફરીયાદી મહિલાના પતિએ 1997માં આરોપી મહિલા વિમલાદેવી જાટ સાથે લગ્ન કર્યા હતા અને 2012માં તેમના છુટાછેટા થઈ ગયા હતા.

જે અંગેનો કેસ આગ્રાની કોર્ટમાં ચાલી રહ્યો છે. આ અંગેની અદાવત રાખી આરોપી મહિલા વિમલાદેવીએ ફરીયાદીની ફેક અકાઉન્ટ બનાવી બિભત્સ ફોટા અને સંદેશો વાયરલ કર્યા. જોકે પોલીસે આ મહિલાને ઓઢવ તેના નિવાસ સ્થાનથી ધરપકડ કરી હતી. પોલીસે ઉપયોગ કરાયેલા મોબાઈલ ફોન પણ કબ્જે કર્યો છે.

આ સમગ્ર બનાવમાં પોલીસે આરોપીની ધરપકડ તો કરી લીધી છે પરતું દેશમાં સાઈબર ક્રાઈમની ઘટનાઓમાં વધારો જોવા મળી રહ્યો છે. ડીજટલાઈઝેશનની વાત કરતી સરકાર શું સાઈબર સિક્યોરીટી આપવામાં અથવા એ અંગેની જાગૃક્તા ફેલાવવામાં કેટલી સક્ષમ બનશે તે જોવું રહ્યું.

1 ક્લિક પર જોડાવો VTV ના સોશિયલ એકાઉન્ટ્સ સાથે...