કોવિડ 19 / રાહુલ ગાંધીને PM મોદીને ટોણો, કોરોનામાં આ સ્થિતિ અંકુશમાં છે તો બગડેલી કોને કહેશો?

• રાહુલ ગાંધીનો ફરી વડાપ્રધાન પર હુમલો 
• ટ્વીટર પર શેર કર્યો દેશનો કોરોના ગ્રાફ 
• આ જો સારી સ્થિતિ, તો બગડેલી કોને કહેશો?. રાહુલનો પ્રશ્ન 

દેશમાં સતત વધતા જતાં કોરોના કેસોની વચ્ચે ભૂતપૂર્વ કોંગ્રેસ પ્રમુખ રાહુલ ગાંધી છેલ્લા ઘણા સમયથી મોદી સરકાર વિરુદ્ધ આક્રમક મૂડમાં છે. તેમના ટ્વીટસ દ્વારા આ બાબતની સાક્ષી પૂરતા રહે છે. ત્યારે આજે ફરી તેમણે એ જ ઘટનાક્રમને પુનરાવર્તિત કરતા વડાપ્રધાનને મોદીને વેધક સવાલ કર્યો હતો. 

Corona curve- Frightening not Flattening.

अगर ये PM की ‘संभली हुई स्थिति’ है तो 'बिगड़ी स्थिति' किसे कहेंगे? pic.twitter.com/pKU57CNaKA

— Rahul Gandhi (@RahulGandhi) August 13, 2020

કોરોના કેસોના સંક્રમણ બાબતે એક સમયે સૌથી નીચે રહેલું ભારત જે ઝડપે ચીનને વટાવી ગયું, તે બાદ તે રોકેટ ગતિએ અન્ય દેશોને પણ આંકડાઓમાં સતત પાછળ કરતુ રહ્યું છે. એક સમયે કોરોનાના હોટસ્પોટ તરીકે ગણાતા દેશો જેવા કે ઇટલી, ઈરાન, સ્પેન, બ્રિટેન, ચીન વગેરે તો હવે લિસ્ટમાં ભારતથી બહુ જ પાછળ દેખાઈ રહ્યા છે. આ બાબતે મોદી સરકાર પર સતત આકરા પ્રહાર કરતા રહેલા રાહુલ ગાંધીએ આજે ફરી એક વાર મોદી સરકાર વિરુદ્ધ હુમલો કર્યો હતો અને ટ્વીટ કરીને ખુબ જ વેધક સવાલ પૂછ્યો હતો. 

Corona curve- Frightening not Flattening

રાહુલ ગાંધીએ આજે દેશમાં રોજે રોજ મળતા કોરોના કેસોના સંક્રમણનો ગ્રાફ શેર કરીને પીએમ મોદીને સવાલ પૂછ્યો હતો, કે જો આને તમે સારી સ્થિતિ કહેતા હો તો બગડેલી કોને કહેશો?, આ ગ્રાફમાં રોજે રોજ મળતા નવા કોરોના કેસોના બાબતે ભારત 67000થી પણ વધુ કેસો સાથે ટોચના દેશો અમેરિકા અને બ્રાઝીલને ક્રોસ કરી ગયું હતું.  તે મતલબનો કર્વ દેખાઈ શેર કર્યો છે. સાથે લખ્યું છે Corona curve- Frightening not Flattening.