રાજ્યમાં 5 દિવસ ભારે વરસાદની આગાહી જાણો ક્યાં-ક્યાં પડ્યો વરસાદ....

રાજ્યમાં 5 દિવસ ભારે વરસાદની આગાહી હવામાન વિભાગ દ્વારા કરવામાં આવી છે તો દરિયા કાંઠાના વિસ્તારોમાં ભારે પવન સાથે વરસાદ થાય તેવી શક્યતા છે.  જ્યારે ઉત્તર ગુજરાતમાં પણ સામાન્ય વરસાદ વરસે તેવી શક્યતા રહેલી છે. રાજ્યમાં વરસાદની આગાહીને પગલે તંત્રને એલર્ટ કરાયું. 17 અને 18 જૂલાઈએ અમદાવાદમાં મધ્યમ વરસાદની આગાહી હવામાન વિભાગે કરી છે.

નવસારીમાં ભારે વરસાદને કારણે બિલીમોરાની શિવનાથ સોસાયટી પાણીમાં ગરકાવ થઈ છે. તો આયોજનનગર સહિતના વિસ્તારોમાં રહેણાંક મકાનોમાં પાણી ભરાયા છે. ભારે વરસાદને પગલે લોકો હાલાકીનો સામનો કરી રહ્યા છે. નવસારીના જુજ અને કોલિયા ડેમમાં પાણીની આવકમાં વધારો થયો છે. નવા નીરની આવક થતાં બન્ને ડેમ ઓવરફ્લો થાય તેવી શકયતા રહેલી છે. તો નીચાણવાળા 36 ગામોને એલર્ટ કરાયા છે. નવસારીના ચીખલીના પોંકડા ગામનો કાઝવે તૂટયો. પોંકડા ગામનો કઝવે તૂટતા પોંકડ અને બામણવેલ ગામનો સંપર્ક કપાયો. વલસાડના મધુબન ડેમમાં પાણીની પુષ્કળ આવક. ઉપરવાસમાં વરસાદના કારણે મધુબન ડેમમાં પાણીની આવક વધી. ડેમમાં હાલ 1 52 000 ક્યુસેક પાણીની આવક. તો ભારે વરસાદના કારણે દમણગંગા નદી કિનારાના ગામોને એલર્ટ કરાયા. દમણ ગંગા નદી કિનારાના ગામના લોકોને સાવચેત રહેવાની સૂચના અપાઈ. તો માછીમારોને દરિયો ન ખેડવાની પણ સુચના આપી દેવામા આવી. 

આ તરફમાં ભાવનગરમાં પણ વરસાદનું આગમન થયુ છે. ભારે વરસાદને કારણે નીચાણવાળા વિસ્તારોમાં પાણી ભરાયા છે. ભારે વરસાદને પગલે સ્થાનિકોને ભારે હાલાકીનો સામનો કરવો પડયો. ભાવનગરના બોરતળાવમાં ધોધમાર વરસાદ. ભારે વરસાદને કારણે નીચાણવાળા વિસ્તારમાં ભરાયા પાણી. ભાવનગરના વાધનગર ગામે ભારે વરસાદને કારણે 5 કાચા મકાનો થયા ધરાશાયી. મકાનો ધરાશાયી થતા 12 થી પણ વધુ પશુઓના થયા મોત. બોટાદ જિલ્લામાં છેલ્લા 24 કલાક દરમિયાન ધોધમાર વરસાદ. બરવાળા અને રાણપુરમાં 5-5 ઈંચ વરસાદ નોંધાયો. તો બાટાદમાં 3 ઈંચ અને ગઢડામાં એક ઈંચ વરસાદ નોંધાયો. ભાવનગરના જેસરમાં ગઈકાલથી અત્યાર સુધીમાં 10 ઈંચ વરસાદ. ગઈકાલે સાંજથી ધોધમાર વરસાદ વરસતા ફુલવાડી વિસ્તારમાં અત્યાર સુધી 125 લોકોનું સ્થળાંતર કરવામાં આવ્યું. ભાવનગરમાં ભારે વરસાદના કારણે મહુવા નજીકના નિકોલ બંધારામાં ભંગાણ. ધોધમાર વરસાદથી બંધારાનો પાળો તૂટી ગયો. મહૂવા ડિઝાસ્ટરની ટીમે કામગીરી શરૂ કરી. ભાવનગરમાં મેઘરાજાની મહેર થતાં નદીઓ ગાંડીતૂર બની. મહુવામાં ભારે વરસાદના પગલે માલણ નદી બે કાંઠે વહેતી થઇ છે. તો ભારે વરસાદના કારણે મહુવા-ભાવનગર હાઈવે ધોવાયો. હાઈવે પર કાંકરી નીકળી જતાં વાહનો ચાલકો પરેશાન. હાઈવે ધોવાઈ જતાં વાહનોની લાંબી કતાર લાગી. 


સુરતમાં પણ ભારે વરસાદને કારણે કામરેજમાં પાણી ભરાયા. તો ધોધમાર વરસાદને કારણે લાસકા વિસ્તારમાં આવેલી ખાડી ઓવરફલો થતા હજારો લોકો ફસાયા હતા. સુરતના ઓલપાડના ગરનાળામાં વરસાદી પાણી ફરી વળ્યા. સુરતના ઓલપાડમાં ભારે વરસાદથી હથીસા અને ઓરમા ગામ સંપકા વિહોણું બન્યું. હજીરાનો મુખ્ય માર્ગ બંધ થતા લોકોને હાલાકી. તાપી-ડોલવણમાં ભારે વરસાદ બાદ જનજીવન ઠપ થયું. ઓલણ નદી બે કાંઠે વહેતા 10થી પણ વધુ ગામો બન્યા સંપકા વિહોણા. સુરતના વેસુ વિસ્તારમાં કોપિટલ ગ્રીન બિલ્ડિંગની પાર્કિંગની દિવાલ ધરાશાયી થઈ હતી. બિલ્ડીંગ કંસ્ટ્રકશનના કારણે દૂર્ઘટના સર્જાઇ હતી. સુરતની લસકાણા ખાડી ઓવર ફ્લો. આસપાસના ગામમાં પાણી ભરાયા. વાહન ચાલકોને હાલાકી. સુરતમાં મેઘરાજા મહેરબાન. કામરેજમાં અને ઓલપાડમાં સૌથી વધુ 7 ઈંચ વરસાદ સુરત શહેરમાં સાડા પાંચ ઈંચ વરસાદ. બારડોલીમાં 5 ઈંચ અને ચોર્યાસીમાં 2 ઈંચ વરસાદ. તો ઉમરપાડામાં 2 ઈંચ માંગરોળમાં 3 ઈંચ  અને પલસાણામાં 4 ઈંચ વરસાદ નોંધાયો. સુરતમાં ધોધમાર વરસાદએ તંત્રની ખોલી પોલ. ભારે વરસાદના કારણે અનેક સોસાયટીમાં પાણી ભરાયા. પાણીનો નિકાલ કરવામાં તંત્ર નિષ્ફળ.  

ગીર ગઢડામાં પણ મૂશળધાર વરસાદ વરસ્યો. તો ભારે વરસાદથી ગીર ગઢડાથી વેલાકોટનો રસ્તો પાણીમાં ગરકાવ થતા વાહન વ્યવાહર ઠપ થયો હતો. અમરેલીના ખાંભા રાજૂલા અને ધારીમાં ધોધમાર વરસાદ. તો જાફરાબાદ પંથકમાં નીચાણવાળા વિસ્તારોમાં ભરાયા પાણી. ગીરસોમનાથના ઉનામાં ભારે વરસાદને કારણે જળબંબાકારની સ્થિતિ. ઉનાની પોલીસ લાઈન પાણીમાં ગરકાવ થઈ હતી ઉનાના 30થી વધુ ગામો બેટમાં ફેરવાયા. ખંઢેરા ગામના 300 લોકો પાણીમાં ફસાયા. ગીર સોમનાથમાં મેધરાજાએ મહાદેવને કરાવ્યું જળાભિષેક. દેલવાડાના તરણેશ્વર મહાદેવને મચ્છેન્દ્રી નદીમાં થયું જળાભિષેક. અમરેલીના રાજુલા અને જાફરાબાદમાં મૂસળધાર વરસાદ .નવલખા નદીના પ્રવાહમાં ફસાઈ ખાનગી બસ. ગીર સોમનાથના ઉના અને ગીર ગઢડામાં જળપ્રલય. 10 ઈંચ વરસાદથી ટ્રેન વ્યવહાર અટક્યો. ગીર-સોમનાથ જિલ્લામાં ધોધમાર વરસાદ. ઉના દિવ સોમનાથ કોડિનાર સૂત્રાપાડા પ્રભાસ પાટણ તાલાળામાં ભારે વરસાદ. ગીર સોમનાથનો હિરણ-2 ડેમ ઓવરફ્લો થવાની તૈયારીમાં. હાલ ડેમની સપાટી 442 મીટરે પહોંચતા ગીર પંથકના ખેડૂતોમાં ખુશીનો માહોલ જોવા મળી રહ્યો છે. ઉના અને ગીર ગઢડામાં ધોધમાર વરસાદ પડતા નાંદણ ગામના ખેતરોમાં પાણી ફરી વળ્યા. હજારો હેક્ટર જમીનનું ધોવાણ થયું. ઉનાના મુખ્ય માર્ગો અને સોસાયટીમાં પણ પાણી ભરાયા. તો ગીરના જંગલોમાં પણ ધોધમાર વરસાદ. હીરણ નદીમાં આવ્યું ઘોડાપૂર. વરસાદના કારણે ગીરનું જંગલ લીલુછમ થઈ ઉઠયું.  અમરેલીના ખાંભા સહિત આસપાસના વિસ્તારોમાં વરસાદ. ખાંભા શહેર અને ગ્રામ્ય પંથકોમાં ધોધમાર વરસાદ વરસ્યો. તાતણીયા ગિદરડી અને પીપાવાવમાં મેઘમહેર. 

ભરૂચ જિલ્લામાં સાર્વત્રિક વરસાદ. અંકલેશ્વર અને હાંસોટમાં 3.5 ઈંચ વાલિયામાં 2 ઈંચ જંબુસરમાં 1 ઈંચ વાગરામાં 1 ઈંચ અને આમોદમાં અડધો ઈંચ વરસાદ નોંધાયો. વડોદરામાં વહેલી સવારથી ધીમીધારે વરસાદ. આગામી 24 કલાકમાં વડોદરા અને તેની આસપાસના વિસ્તારોમાં ભારેથી અતિભારે વરસાદ પડે તેવી આગાહી. વડોદરામાં નીચાણવાળા વિસ્તારો હાઈ એલર્ટ પર. ઔરંગા નદીએ ભયજનક સપાટી વટાવી. નદીની સપાટી 4 ફુટથી વધીને 5 ફુટ 18 ઈંચ સુધી પહોંચી. ઔરંગા નદીની જળસપાટી વધતાં આસપાસના ગામોને એલર્ટ કરાયા. તો નદી કિનારાના ગામોમાં શાળા અને કોલેજોમાં રજા અપાઈ. આણંદ જિલ્લામાં ધોધમાર વરસાદ. અનેક નીચાણવાળા વિસ્તારોમાં પાણી ભરાયા. તો વાવણીલાયક વરસાદ થવાથી  ખેડૂતોમાં ખુશીનો માહોલ છવાયો. 

બનાસકાંઠાના લાખાણીના કૅંડા ગામે પ્રથમ વરસાદે તંત્રની પોલ ખોલી. તો પ્રથમ વરસાદમાંજ ગામની અંદરના રસ્તાઓ પર પાંચ ફૂટ ઊંડા ભુવા પડયા. તો પહેલા વરસાદે જ રસ્તાઓ ધોવાઈ જતા સ્થાનિકોમાં જોવા મળી રોષની લાગણી. ગ્રામજનોએ ઝડપથી રસ્તાઓના સમારકામ કરવાની માગ કરી. 

તો આ તરફ સુરેદ્રનગરમાં પણ મેઘરાજાની એન્ટ્રી. વઢવાણમાં વહેલી સવારથી વરસાદ. લીંબડી ચુડા અને સાયલા તાલુકામાં વરસાદનું આગમન. ખેડૂતોમાં ખુશીનો માહોલ છવાયો. 

છોટાઉદેપુરના નસવાડી અને તેની આસપાસના ગ્રામ્ય વિસ્તારોમાં ધોધમાર વરસાદ. નાના બાળકોએ પાણીમાં પલળવાની માણી મજા... 

મેથાળાના લોકોએ કરેલી મહેનત ચોમાસામાં રંગ લાવતા ગ્રામજનોમાં ખુશીનો માહોલ જોવા મળ્યો. મેથાળાના બંધારામાં ભાર વરસાદના કારણે નવા નીર આવ્યા. ખેડૂતોમાં છવાયો ખુશીનો માહોલ. 

તો આ તરફ ઉપરવાસમાં ભારે વરસાદના કારણે ભાવનગરના શેત્રુંજી ડેમની જળ સપાટીમાં પણ વધારો થયો ]ો.. શેત્રુંજી ડેમની જળસપાટી 19 ફુટથી 22 ફુટ પહોંચી ]ો... 

જૂનાગઢમાં PGVCLના અધિકારીની ઉમદા કામગીરી. PGVCLના લાઈનમેન રાજુભાઈ રાઠવાએ પોતાનો જીવ જોખમમાં મૂકીને બંધ ફીડરને રિપેર કરી ચાલુ કર્યું. શહેરીજનોને મુશ્કોલી ના પાડે તે માટે વરસાદમાં પણ પોતાની ફરજ નિભાવી.