હેલ્થ ટીપ્સ / ઠંડી આવી, હવે ખાણીપીણી સાથે આ રીતે દિનચર્યા પણ બદલો, જાણો શિયાળાની હેલ્થ ટીપ્સ 

જુવાર, મકાઈ, બાજરી, તલ, ગોળ, સરસોંનું શાક, મગફળી, મૂળા, પાલખ, મેથી અને ગાજર આ મોસમ પ્રમાણે આરોગ્યમાં સુધારી શકે છે. આ સિઝનમાં શરીર જકડાઈ જવું પણ સામાન્ય બાબત છે, તેથી સરસિયામાં કે તલના તેલમાં શાક બનાવો. તે સાંધાના દુખાવા સાથે શરીરના જકડાઈ જવામાંથી પણ રાહત આપે છે. આ તેલ શરીરની મૂવમેન્ટ માટે ચીકાશનું કામ કરે છે. સાથે રોજ કમ સે કમ બે ચમચી દેશી ઘી ખાવ. 

મોસમ અનુસાર ખાવાના આ છે ફાયદા

તાસીરમાં ગરમ હોવાના કારણે ગોળ, ખજૂર, તલ, આદુ અને મગફળી શરીરના તાપમાનને નિયંત્રણમાં રાખે છે. તેમાં રહેલંુ કેલ્શિયમ, આયરન, મેગ્નેશિયમ, વિટામિન વગેરે તત્ત્વ શરદી, ખાંસી, તાવ, ગળાના દુખાવામાં રાહત આપવાની સાથે હોર્મોનનું સ્તર સંતુલિત રાખે છે. રોજ ૫૦-૧૦૦ ગ્રામ મગફળી અને નાનો ટુકડો ગોળ ખાવો જોઈએ. આ સિઝનમાં શક્કરિયા વિટામિનનો ખજાનો છે. તેને બાફીને, શેકીને કે હલવો બનાવીને ખાવ. લીલા શાકભાજીમાં સરસોંનું શાક, મેથી, પાલખ, ગાજર, લીંબુ, લસણ, બીટ, આંબળા ઉપરાંત ચટણી અને સૂપ ભરપૂર પીવો. સૂપમાં મરી અને સંચર નાખીને પીવો. 

આ છે સારા વિકલ્પો

મકાઈ, બાજરો, જુવાર, સોયાબીનની રોટી ઉપરાંત વેજિટેબલ કટલેસ બનાવો. સાથે સૂકામેવા અને ઘીનો પ્રયોગ કરીને તેની ચિક્કી બનાવો. બાળકો માટે બાજરો, મઠ, બેસન, ચોખાનો લોટ, સોજી અને ઘઉંનો લોટ ભેળવીને તેમાં ગોળ, ઘી તેમજ સૂકો મેવો નાંખીને પૌષ્ટિક લાડુ બનાવો. મિક્સ વેજ, બીટ, ગાજર કે દૂધીનો હલવો બનાવો. 

આવી હોય દિનચર્યા

ઠંડીમાં સૂર્યોદય થોડો મોડો થાય છે. આવામાં ૫ાંચથી ૬ વાગ્યાની વચ્ચે જાગીને હૂંફાળંુ પાણી પીવો. જેથી શરીરમાંથી ઝેરીલા પદાર્થો બહાર નીકળી જશે. વાતાવરણમાં ઠંડી ઘટ્યા બાદ જ ફરવા જાવ અથવા એક્સર્સાઇઝ કરો. સવારે એક્સર્સાઇઝ ન કરી શકો તો સાંજે કરો. વ્યાયામ પછી તરત ભોજન ન કરો. દિવસમાં ૪થી પાંચ વાર થોડંુ થોડંુ, પૌષ્ટિક ખાવ. રાત્રે વહેલા સૂવો.

આ વસ્તુઓથી દૂર રહો

દરેક સિઝનની જેમ ઠંડીમાં પણ વિરુદ્ધ આહાર ન લો. જેમ કે દૂધની સાથે ખાટી વસ્તુઓ કે નમકીન, માંસાહારી આહાર, મૂળા વગેરે. આ ઉપરાંત ધ્યાન રાખો કે દહીંને ક્યારેય ઉકાળો નહીં. દહીં બપોરના સમયે જ ખાવ, સાંજે કે રાત્રે નહીં. જેને શરીરમાં દુખાવો થતો હોય તે કોબી કે વટાણા ન ખાય. તે પિત્ત વધારવાની સાથે શરીરમાં દુખાવો પણ વધારે છે. સૂકી વસ્તુઓ જેમ કે મકાઈ, બાજરો કે મલ્ટિગ્રેઇન લોટમાંથી બનેલી રોટીમાં ઘી નાંખીને જ ખાવ. 

શિયાળા માટેની અન્ય ટિપ્સ

*    આ સિઝનમાં સરસવ, નારિયેલ કે મેડિકેટેડ તેલથી અઠવાડિયામાં એક વાર આખા શરીર પર માલિશ કરો. 
*    વૃદ્ધો શરીરમાં ઇમ્યુનિટી જાળવી રાખવા માટે અંજીર, ખજૂર ખાય અથવા રાત્રે તેનું દૂધ પીને સૂવે.
*    બાળકો અને મહિલાઓ તેમજ વૃદ્ધો હળદળ નાખેલંુ સહેજ હૂંફાળું દૂધ પીવે.
*    સાંજે સ્નેક્સના રૃપમાં અળસી, શેકેલા ચણા, મઠ, બાજરી અને મકાઈ ખાઈ શકાય.

આલેખન - ભૂમિકા ત્રિવેદી