પલટો / સુરત-ભરૂચમાં જોવા મળ્યું ધુમ્મસભર્યું વાતાવરણ, વિઝિબિલિટિ ઘટતા વાહન ચાલકો અટવાયા

• સુરતમાં વહેલી સવારે ધુમ્મસભર્યુ વાતાવરણ
• ભરૂચમાં વહેલી સવારથી છવાયું ધુમ્મસભર્યું વાતાવરણ 
• અચાનક છવાયેલા ધુમ્મસને કારણે ઠંડીનો ચમકારો

સુરતમાં વહેલી સવારે ધુમ્મસભર્યુ વાતાવરણ

સુરતમાં આજરોજ વહેલી સવારે ધુમ્મસભર્યું વાતાવરણ જોવા મળ્યું. ધુમ્મસના કારણે વિઝીબિલિટી ઓછી થઇ હતી. વિઝીબિલિટી ઓછી થઇ જતાં વાહનચાલકોમાં ભારે મુશ્કેલી જોવા મળી હતી. સુરતના સરથાણા વિસ્તારમાં ધુમ્મસ જોવા મળી. અચાનક છવાયેલ ધુમ્મસના કારણે વાતાવરણમાં ઠંડીનો ચમકારો જોવા મળ્યો. 
 

ભરૂચમાં વહેલી સવારથી છવાયું ધુમ્મસભર્યું વાતાવરણ 

જ્યારે બીજી બાજુ ભરૂચમાં વહેલી સવારથી ધુમ્મસભર્યું વાતાવરણ જોવા મળ્યું હતું. ગાઢ ધુમ્મસના કારણે વિઝિબિલિટી ઝિરો થઇ ગઇ હતી. વિઝિબિલીટી ઘટતાં વાહનચાલકોને ચલાવવામાં મુશ્કેલી જોવા મળી હતી. જો કે  બીજી તરફ અચાનક વાતાવરમાં થયેલા ફેરફારને લઇને ઠંડીમાં પણ વધારો જોવા મળ્યો.