મહામારી / મહામારીમાં પહેલો આવો કેસ, એક શરીરમાં બે-બે કોરોના, 90 વર્ષની મહિલાના મોતે વધાર્યું ટેન્શન

• બેલ્જિયમમાં સામે આવ્યો અનોખો કેસ, વૈજ્ઞાનિકોનું વધ્યું ટેન્શન
• 90 વર્ષની મહિલાના શરીરમાં મળ્યાં કોરોનાના બે વેરિયન્ટ
•  મોત બાદ ટેસ્ટમાં ખબર પડી, હવે ઉઠવા લાગ્યાં સવાલ
• એક વ્યક્તિને અલગ અલગ વેરિયન્ટનો ચેપ લાગો તો શું?

અહીંની 90 વર્ષીય વૃદ્ધાનું કોરોનાના બે-બે વેરિયન્ટને કારણે નિધન થયું હતું. વૃદ્ધા બ્રિટનના આલ્ફા અને સાઉથ આફ્રિકાના બીટા વેરિયન્ટથી સંક્રમિત થઈ હતી. ડોક્ટરોએ જણાવ્યું કે આ દુનિયામાં પહેલા પ્રકારનો કેસ છે. 

વૈજ્ઞાનિકોએ જણાવ્યું કે મહિલાને બે અલગ અલગ વેરિયન્ટનો ચેપ લાગ્યો છે. આ કેસ સામે આવ્યાં બાદ સવાલ ઉઠવા લાગ્યાં કે શું કોરોનાના અલગ અલગ વેરિયન્ટની સામે વેક્સિન કેટલી અસરકારક રહેશે. 

ટેસ્ટમાં કોરોનાના બે વેરિયન્ટ હોવાની પુષ્ટિ થઈ 

આ વૃદ્ધાનું મોત માર્ચ મહિનામાં થયું હતું. તેણે વેક્સિન લીધી નહોતી. તે એકલી રહેતી હતી અને ઘરમાં જ તેની સારવાર ચાલતી હતી. તેને જ્યારે હોસ્પિટલમાં ભરતી કરવામાં આવી ત્યારે ઓક્સિજન લેવલ બરાબર હતું પરંતુ હોસ્પિટલના દાખલ થયાના પાંચ દિવસમાં તેનું મોત થયું હતું. ટેસ્ટમાં તેના શરીરમાં કોરોનાના બે વેરિયન્ટ હોવાની પુષ્ટિ થઈ હતી. 

મોલિક્યુલર બાયોલોજિસ્ટ એન્નેએ જણાવ્યું કે જે સમયે વૃદ્ધાને બે વેરિયન્ટનો ચેપ લાગ્યો તે સમયે ત્યાં આલ્ફા અને બીટા વેરિયન્ટ ફેલાઈ રહ્યાં હતા. દુનિયાભરમાં ડબલ ઈન્ફેક્શનની ઉપેક્ષા કરાઈ રહી છે કારણ કે ચિંતાવાળા વેરિયન્ટનું ટેસ્ટિંગ ઓછું થઈ રહ્યું છે.