સફળ પ્રયોગ / દુનિયામાં પહેલીવાર જીવીત વ્યક્તિએ કર્યુ અંગદાન, કોરોના સારવાર માટે નવી પદ્ધતિ આવી સામે!

• જપાનમાં જીવતા વ્યક્તિએ કર્યુ ઓર્ગન ડોનેટ 
• કોરોના પોઝીટીવ મહિલાનો બચ્યો જીવ 
• દુનિયા સામે ઉભો થયો નવો વિકલ્પ 

જપાનમાં કોરોના વાયરસથી પીડિત એક મહિલાના ફેફસાનું ટ્રાંસપ્લાન્ટ કરીને બચાવી લેવામાં આવી છે. સૌથી ખાસ વાત એ છે કે મહિલાને બે જીવતા લોકોના ફેફસાના હિસ્સા આપવામાં આવ્યા છે. બંને ડોનર મહિલાના સગા છે. એેક દિકરો અને બીજો પુરુષ તેનો પતિ છે. માનવામાં આવી રહ્યું છે કે મેડિકલ ઇતિહાસમાં પહેલીવાર આવું થયુ છે કે જીવતા લોકોના ફેફસાના હિસ્સા ડોનેટ કરવામાં આવ્યા છે. 

દુનિયા સામે નવો વિકલ્પ 
આ સર્જરી બાદ દુનિયાભરના ડૉક્ટર્સ સામે નવો વિકલ્પ ઉભો થયો છે. જીવીત ડૉનરના અંગ લઇને સર્જરી કરી શકાય તેવો વિકલ્પ સામે આવ્યો છે. રિપોર્ટ અનુસાર મહિલાના દિકરાએ જમણા અને પતિએ ડાબા ફેફસાના હિસ્સા ડોનેટ કર્યા છે. 

ક્યોટો યુનિવર્સીટી હોસ્પિટલમાં 11 કલાક સુધી આ સર્જરી ચાલતી રહી અને સફળ પણ રહી હતી. મહિલાના પતિ અને દિકરાની હાલત સ્થિર છે અને આ સર્જરીમાં 30 લોકોની ટીમ સામેલ હતી. કહેવામાં આવી રહ્યું છે કે મહિલાને 2 મહિના બાદ હોસ્પિટલમાંથી રજા આપી દેવામાં આવશે. આ પ્રકારની સર્જરી ખુબ કઠીન છે અંગદાન માટે ડોનરે 13 શરતોને પૂરી કરવી જરૂરી છે. 

ફરી વધ્યો કોરોનાનો કહેર 
દુનિયાભરમાં કોરોના વાયરસનો કહેર ફરી એકવાર વધી ગયો છે. ભારતમાં માર્ચની શરૂઆતમાં જ મોટી સંખ્યામાં કેસ નોંધાવા લાગ્યા છે. ભારતમાં કેટલીક જગ્યાઓએ કરફ્યુ લગાવી દેવામાં આવ્યા છે અને ઘણા દર્દીઓ પોતાનો જીવ ગુમાવી ચૂક્યા છે.