ટોક્યો ઓલિમ્પિક બાદ હવે પેરાલિમ્પિક પર બધાની નજર છે. ભારતની મેડલની આશા યથાવત રાખતા ગુજરાતના ભાવિનાબેન ક્વાટર ફાઇનલમાં પહોંચી ગયા છે.
ભાવિના પટેલે રચ્યો ઈતિહાસ
ટેબલ ટેનિસમાં ક્વાર્ટર ફાઈનલમાં પ્રવેશ
બ્રાઝિલની ઓલિવિએરાને આપી મ્હાત
ભાવિના બેને બ્રાઝીલની ઓલિવિએરાને હરાવી
ભાવિના પટેલે આ મૅચમાં 12-10, 13-11 અને 11-6થી જીત મેળવી હતી. બ્રાઝીલ સામેના મુકાબલામાં તેમણે ઓલિવિએરાને હરાવી દીધી છે. પેરાલિમ્પિકમાં ભાવિના બેન ભારતને અપાવી શકે છે મેડલ.
ક્વાટર ફાઇનલમાં મુકાબલો
ક્વાટર ફાઇનલમાં ભાવિના બેનનો મુકાબલો વર્લ્ડના નંબર 2 પેડલર સાથે હશે. ભાવિના પટેલે મેચ ત્રીજી ગેમમાં જ જીતી લીધી હતી. ભારતની આશા ભાવિના પર છે, હવે તે ભારતને પેરાલિમ્પિકમાં મેડલ અપાવી શકે છે.
ગઇકાલે કેવી રહી મેચ
ભારતની 34 વર્ષીય ખેલાડીએ વિશ્વમાં નવમા નંબરનની શેકલટનને 41 મિનીટ સુધી હંફાવી હતી. આ મૅચમાં 11-7, 9-11, 17-15, 13-11થી હરાવી હતી. વિશ્વમાં 12મા નંબરની ખેલાડી માટે આ કરો યા મરો મેચ હતી.
#Exclusive@BhavinaPatel6 creates history as she storms into quarterfinal with a smart and focused approach
આ બાદ આગળની 2 મૅચમાં બંને ખેલાડીઓએ પોતાનું 100% આપ્યું હતુ અને ભાવિનાબેનની આ ટુર્નામેન્ટમાં પહેલી જીત હતી. કારણકે પહેલી મેચમાં વિશ્વની નંબર 1 ચીની ખેલાડી ઝોઉ યિંગથી 0-3થી હારી હતી. ભાવિનાબેનની 2 મેચમાં ત્રણ પોઇન્ટ હતા અને યિંગના નોકઆઉટ ચરણમાં પહોંચવામાં સફળ રહી હતી.
ટોક્યો પેરાલંપિક ખેલનો પહેલા ગોલ્ડ મેડલ બુધવારે ઓસ્ટ્રેલિયાની સાઇકલિસ્ટ પીઝ ગ્રેકોને મળ્યો હતો. ગ્રેકોએ વેલોડ્રોમ ટ્રેક પર મહિલાઓની 3000 મીટર પરસ્યુટમાં પહેલું સ્થાન હાંસલ કર્યુ હતુ. ચીનની વાંગ ઝીયોમીએ રજત અને જર્મનીની પ્લેયરે બ્રોન્ઝ મેડલ જીત્યો હતો. ગ્રેકોનો આ પહેલો પેરાલંપિક છે.
પેરાલંપિક ખેલનું આયોજન કોવિડ-19 મહામારી વચ્ચે કરવામાં આવી રહ્યું છે. એક મહિના પહેલા ઓલંપિક શરૂ થયા બાદ ટોક્યોમાં કોરોનાના કેસમાં વધારો નોંધાયો હતો.