રાહત / બ્રિટન બાદ અમેરિકામાં પણ સૌપ્રથમ વૅક્સિનનો ડોઝ અપાયો, ટ્રમ્પે ટ્વિટ કરીને કહ્યું Congratulations USA

• અમેરિકન પ્રમુખ ટ્રમ્પે ટ્વિટ કરીને આપી જાણકારી 
• અમેરિકામાં અપાયો સૌપ્રથમ રસીનો  ડોઝ
• હાલમાં કોરોનાથી સૌથી વધુ પ્રભાવિત દેશ અમેરિકા છે 

કોરોના મહામારીને લઈને ખૂબ જ ખરાબ રીતે પ્રભાવિત થયેલા અમેરિકા માટે આખરે મોટી રાહતના સમાચાર આવ્યા છે, અમેરિકી રાષ્ટ્રપતિ ટ્રમ્પે ટ્વિટ કરીને જાણકારી આપતા કહ્યું છે કે અમેરિકામાં કોરોના રસીનો પ્રથમ ડોઝ અપાઈ ચૂક્યો છે. 

નોંધનીય છે કે હાલમાં કોઈ દેશ જો સૌથી વધુ કોરોના વાયરસથી પીડિત હોય તો તે અમેરિકા છે અને કોરોના અંગેની ખરાબ કામગીરીને લઇને જ અમેરિકી રાષ્ટ્રપતિ પદની ચૂંટણીમાં ડેમોક્રેટ ઉમેદવાર જો બાયડન અને કમલા હેરિસે તેમનું નિશાન બનાવ્યું હતું અને મનાઈ રહ્યું છે કે આ ડોનાલ્ડ ટ્રમ્પની હારનું એક મુખ્ય કારણ રહ્યું છે. 

યુએસ પ્રમુખ ડોનાલ્ડ ટ્રમ્પે સોમવારે કહ્યું કે કોવિડ -19 ની પ્રથમ રસી ડોઝ દેશમાં આપવામાં આવી છે. તેમણે ટ્વીટ કરીને આ માહિતી આપી હતી. તેમણે લખ્યું, 'અમેરિકામાં પ્રથમ રસી આપવામાં આવી, અમેરિકાને અભિનંદન, વિશ્વને અભિનંદન.'

ઉલ્લેખનીય છે કે હજુ થોડા દિવસો પહેલા જ અમેરિકન કંપની ફાઇઝરની કોરોના વેક્સિનને ઇમરજન્સી ઉપયોગ માટેની મંજૂરી આપવામાં આવી છે અને આ પહેલા આ જ કંપનીને બ્રિટન, બહેરીનમાં પણ આ પ્રકારના ઉપયોગ અંગેની મંજૂરી મળી ચૂકી છે અને ભારતમાં પણ તેણે આ પ્રકારની મંજૂરી માંગી છે.