IPLIN
 
  • Home
  • India
  • The first action taken by the rioters at the Red Fort was to hoist the flag of the organization instead of the tricolor.

અરજી / લાલ કિલ્લા પર ઉપદ્રવીઓ દ્વારા તિરંગાની જગ્યાએ સંગઠનનો ધ્વજ ફરકાવવા મામલે સૌપ્રથમ કરાઇ આ કાર્યવાહી

Team VTV 10:04 PM, 26 Jan 21 | Updated: 10:13 PM, 26 Jan 21
Follow us
The first action taken by the rioters at the Red Fort was to hoist the flag of the organization instead of the tricolor.

સુપ્રીમ કોર્ટને પત્ર દ્વારા આપવામાં આવેલી અરજીમાં માંગણી કરવામાં આવી છે કે, લાલ કિલ્લા પર એક સમુદાય વિશેષનો ધ્વજ ફરકાવવા અંગે સુપ્રીમ કોર્ટ જાતે નોંધ લઈને કાર્યવાહી કરે. 

  • સુપ્રીમ કોર્ટમાં કરવામાં આવી અરજી 
  • લાલ કિલ્લા પર રાષ્ટ્રધ્વજની જગ્યાએ બીજો ધ્વજ લહેરાવવા વાળા પર કાર્યવાહીની માંગણી 
  • સુપ્રીમ કોર્ટને પત્ર લખીને આ મામલે સુઓમોટો કરવાનો અનુરોધ 

પ્રજાસત્તાક દિવસના રોજ ટ્રેક્ટર પરેડ દરમિયાન લાલ કિલ્લાની પર ભારતના તિરંગાની જગ્યાએ એક સમુદાય વિશેષનો ધ્વજ ફરકાવવાનો મામલો સુપ્રીમ કોર્ટમાં પહોંચ્યો છે. આ મામલેની અરજીમાં સુઓમોટો કાર્યવાહી કરવા માટે સુપ્રીમ કોર્ટના મુખ્ય ન્યાયાધીશ જસ્ટિસ બોબડેને એક પત્ર લખાયો હતો. 

સુપ્રીમને સૂઓમોટો માટે કરાઇ અરજી

મહત્વનું છે કે આ અરજીમાં કહેવામાં આવ્યું છે કે લાલ કિલ્લાની પ્રાચીર પર એક સમુદાય વિશેષનો બીજો ધ્વજ મૂકવો એ રાષ્ટ્રધ્વજનું અપમાન છે. પિટિશનમાં માંગ કરવામાં આવી છે કે વિરોધ કરનારાઓએ પર આ મામલે કાર્યવાહી કરવામાં આવે. મુંબઈ સ્થિત એક લૉના વિદ્યાર્થી દ્વારા આ મામલે પત્ર લખીને માંગણી કરવામાં આવી છે. 

પ્રજાસત્તાક દિન નિમિત્તે રાષ્ટ્રીય પાટનગરમાં જુદા જુદા સ્થળોએ વિરોધ કરી રહેલા ખેડૂતો અને પોલીસ વચ્ચે અથડામણ જોવા મળી હતી. આજે 'ટ્રેક્ટર રેલી' દરમિયાન મોટી સંખ્યામાં વિરોધ પ્રદર્શન કરનારા ખેડૂતો લાલ કિલ્લા પહોંચ્યા હતા અને અહીં ખેડૂત સંગઠનોનો ધ્વજ લહેરાવ્યો હતો.

 ખેડૂતોએ લાલ કિલ્લાની બાજુએ પહોંચ્યા બાદ, જ્યાં વડા પ્રધાન સ્વતંત્રતા દિવસ પર ત્રિરંગો ધ્વજ લહેરાવીને દેશને સંબોધન કરે છે તે જગ્યાએ ખેડૂતોએ અહીં તેમનો ધ્વજ ફરકાવ્યો હતો. આ દરમિયાન પોલીસ દ્વારા તેમને રોકવા અને સમજાવવાનો પ્રયાસ કરવામાં આવ્યો હતો, પરંતુ આંદોલનકારીઓ ટસના મસ થયા નહોતા. 

સુરક્ષા જવાનોએ લાઠીચાર્જ કરવો પડ્યો હતો

આ સાથે ટ્રેકટર અને મોટર સાયકલ પર સવાર હજારો ખેડુતો વ્યસ્ત આઈટીઓ સુધી પર પહોંચ્યા અને ઈન્ડિયા ગેટ તરફ જવાનો પ્રયાસ શરૂ કર્યો. આ સમય દરમિયાન, ખેડૂતો અને પોલીસ વચ્ચે 'કેટ-માઉસ ગેમ' જોવા મળી હતી. લાલ કિલ્લા ખાતે તૈનાત પોલીસ અને અન્ય સુરક્ષાકર્મીઓએ પણ વિરોધીઓને લાઠીચાર્જ કરવો પડ્યો હતો. કેટલાક યુવાનોએ 17 મી સદીના સીમાચિહ્નરૂપ દંડ પર ધ્વજારોહણ કર્યા હતા અને ધાર્મિક પ્રતીક સાથે કેસરી ધ્વજ લહેરાવ્યા હતા.

Red Fort red fort prachir farmers protest Kisan Andolan republic day tractor rally ખેડૂતો
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ