પંચમહાલના હાલોલ ગોધરા રોડ પર આવેલા કાપડના શોરૂમમાં આગ લાગી. શોરૂમમાં આગ લાગતા માલિકનો જીવ પડીકે બંધાયો. કારણકે અંદર લાખોનો માલ સામાન હતો. ગોધરા રોડ પર આવેલા રી ભુવન કાપડના શોરૂમમાં આગ લાગી.
આગની જાણ પોલીસ અને ફાયર વિભાગને કરવામાં આવી અને તેઓ ઘટના સ્થળે પહોંચ્યા. આખરે ફાયરના જવાનોએ ભારે જહેમત બાદ આગ પર કાબૂ મેળવ્યો. શોર્ટ સર્કિટથી આગ લાગી હોવાનું હાલ પ્રાથમિક તારણ છે. જો કે આગમાં કોઈ જાનહાનિ થઈ નથી પણ નુકસાન ચોક્કસ થયું છે.
કાપડના શોરૂમમાં લાગેલ આગને પગલે આસપાસના લોકોમાં પણ ભયનો માહોલ જોવા મળ્યો હતો. જો કે આ ઘટના અંગેની જાણકારી નજીકના ફાયર વિભાગને કરવામાં આવતા ફાયર બ્રિગેડના જવાનો ઘટના સ્થળે આવી પહોંચ્યા હતા અને સતત પાણીનો મારો ચલાવતા અંતે આગ પર કાબૂ મેળવી શકાયો હતો.