ધી એક્સિડેન્ટલ પ્રાઇમ મિનિસ્ટર નામના પુસ્તક પરથી  બની રહી છે આ ફિલ્મ

તાજેતરમાં સિનિયર અભિનેતા અનુપમ ખેર પોતાની આગામી ફિલ્મ 'એન એક્સિડેન્ટલ પ્રાઇમ મિનિસ્ટર'નું લંડનમાં શૂટિંગ કરી રહ્યા હતા જેનું  શિડયુલને પુરું કર્યું હોવાનું જાણવા મળી રહ્યું છે. 

ધી એક્સિડેન્ટલ પ્રાઇમ મિનિસ્ટર નામના પુસ્તક પરથી આ ફિલ્મ બની રહી છે જેમાં અનુપમ ખેર ભૂતપૂર્વ વડા પ્રધાન મનમોહન સિંઘનો રોલ કરી રહ્યા છે. અભિનેતાના ગેટપ અને પોષાક એટલાં સચોટ છે કે તેને જોતા તે રિયલ મનમોહન સિંઘ હોય તેવું લાગી રહ્યું છે.



અગાઉ  શરૂઆતમાં કેટલાક લોકોએ સોશિયલ મિડિયા પર એવું સૂચન કર્યું હતું કે 'મિસ્ટર ખેર તમે મનમોહન સિંઘ કરતાં ઝડપથી ચાલો છો. થોડા ધીમા પડો'. ત્યારે અનુપમે જવાબ આપ્યો હતો કે આ ફોટોઝ રિહસલના છે શૂટિંગના નથી. 

આ ઉપરાંત પણ અનુપમે ઇન્સ્ટાગ્રામ પર એક વિડિયો ક્લીપ શેર કરી હતી જેમાં તે એક પાર્કમાં ધીમી ચાલે ચાલતો જોવા મળે છે. તેનો પોષાક અને મેનરીઝમ અસલ મનમોહન સિંઘ જેવાં છે. અનુપમે ઇન્સ્ટાગ્રામ પર જણાવ્યું હતું કે ફિલ્મ ધી એક્સિડેન્ટલ પ્રાઇમ મિનિસ્ટરનું લંડનનું શિડયુલ પૂર્ણ થયું છે.