પિતૃપ્રેમ / ફટાકડા વેચતા પિતાને પોલીસ પકડી ગઈ, દીકરીએ છોડવવા માથા પછાડ્યા અને પછી પોલીસ જે કર્યુ તે...

• ફટાકડા ફોડનાર વ્યક્તિની પોલીસે કરી ધરપકડ 
• ફટાકડા વેચનારની દીકરીએ પોલીસની ગાડી સાથે માથા પછાડ્યા હતા 
• બાળકીના નાજુક હૃદયમાં દુર્ભાવના ન જન્મે તે માટે પિતાને મુક્ત કર્યા અને બાળા સાથે પોલીસે દિવાળી મનાવી 

આ ઘટનાનો એક વિડીયો સામે આવ્યો હતો, જેમાં પોલીસ એક ફટાકડા વેચનારને પકડીને પોલીસ સ્ટેશન લઈ જવા માંગે છે અને પકડી લીધો છે, જો કે તેની દીકરીને તેના પિતાથી દૂર થવું મંજૂર નથી જેથી તે પોલીસ ગાડી સાથે પોતાનું માથું પછાડવા લાગે છે, જીપનો ડ્રાઈવર તેને એમ ન કરવા સમજાવે છે, જો કે પિતાની સાથે થતી પોલીસ ની બળજબરી દીકરીને મંજૂર નથી અને તે તેના પિતાને મુક્ત કરાવવા જિદે ચડી છે અને આ બધી ધમાલમાં ઘણા બધા લોકોનું ટોળું ત્યાં એકઠું થઈ ગયેલું દેખાય છે. 

વિડીયો સોશિયલ મીડિયામાં થયો હતો વાયરલ 

આ ઘટનામાં પહેલા તો જો કે પોલીસ અધિકારીઓ ત્યાં એકત્ર થયેલા લોકોને દૂર હટાવવા માટે ઢંકાવી રહ્યા હોય તેમ નજરે પડ્યા હતા, અને પોલીસે તે રડતી બાળકીને હડસેલીને તેના પિતાને જિપમાં બેસાડીને જીપ મારી મૂકી હતી, આ ટોળામાંથી કોઈ એક શખ્સે આ ઘટનાને પોતાના મોબાઇલના કેમેરામાં ઉતારી દીધી હતી અને તેને સોશિયલ મીડિયાના પ્લેટ્ફોર્મ ઉપર વાયરલ કરી દીધી હતી. 

પોલીસ અધિકારીઓએ બાળકીની કરી ચિંતા 

જોત જોતામાં આ વીડિયો ફેસબુક, વોટસએપ અને ટ્વીટર પર  વાયરલ થઈ ગયો અને વાત લખનઉ સુધી પહોંચી ગઈ હતી. ત્યારે બુલંદ શહેરના SSP ને આ ઘટનાની જાણ  થઈ તો તેમણે આ અમાનવીય વર્તન કરનાર પોલીસ સ્ટાફ પર કાર્યવાહી કરવાનો આદેશ આપી દીધો હતો, અને બાળકીના કોમળ હૃદયમાં પોલીસ તંત્ર માટે કોઈ દુર્ભાવના ન જન્મે તે માટે પોલીસ અધિકારીઓએ ચિંતા કરી હતી. 

 

 

 

 

View this post on Instagram

 

 

 

 

 

 

 

 

 

 

 

A post shared by VTV Gujarati News and Beyond (@vtv_gujarati_news)

પોલીસ માટે તે નાની બાળકીના હૃદયમાં કોઈ ખરાબ છાપ ન બને તે માટે તંત્રે તેના પિતાને છોડી દીધા હતા અને સાથે જ પોલીસ તંત્રે એક નવતર કાર્ય કરીને તે નાનકડી બાળાના ઘરે જઈને દિવાળી મનાવવાનો નિર્ણય લીધો હતો અને મીઠાઇ વગેરે લઈને બાળકીના ઘરે જઈને તેની સાથે દિવાળી પણ મનાવી હતી. આ ઘટનાનો વિડીયો પણ વાયરલ થયો હતો.