મિલન / 10 વર્ષ બાદ બાપુનગરમાંથી મળેલી કિશોરીના પરિવારનો પત્તો લાગ્યો, ગજબની ટ્રિક વાપરી પોલીસે પાર પાડયો આ કઠિન ટાસ્ક

• બાપુનગર પોલીસ બની મા-બાપ
• 10 વર્ષે પરિવાર થયું બાળકી સાથે મીલન
• ઝારખડમાં પોલીસ અને આશ્રમના લોકો જશે
• મહિપતરામ આશ્રમમાં બાળકીનો ઉછેર થયો

બાપુનગરમાં મળેલી કિશોરીનો પરિવારનો 10 વર્ષ બાદ પતો લાગ્યો છે. પોલીસે ઝારખડમાં યુવતીના પરિવાર સાથે મિલન કરાવશે. 12 વર્ષની બાળકીના માતા પિતા બનેલી પોલીસ હવે યુવાન દીકરીને તેના પરિવારને સોંપશે. ઝારખંડની 12 વર્ષની બાળકી બાપુનગરમાંથી પોલીસને બિનવારસી હાલતમાં મળી આવી હતી. તે સમયે આ બાળકીનું કોઈ વાલી ન હોવાથી પોલીસ તેની માં-બાપ બની હતી. આ બાળકીને પોલીસે મહિપત રામ આશ્રમમાં ઉછેર માટે રાખી હતી. 

માનસિક અસ્થિર બાળકીને ગુજરાતી અને હિન્દી ભાષા શીખવાડવામાં આવી
2012માં આ બાળકી અમદાવાદ કઈ રીતે આવી તે કોઈ જાણતું ન હતું.  પરંતું બાપુનગર વિસ્તારમાં પોલીસે તેના માતા પિતાને શોધવા પ્રયાસ કર્યા પણ બાળકી ફક્ત ઝારખંડ ભાષા જાણતી હતી. અન્ય કોઈ ભાષા જાણતી ન હતી અને કોઈ તેની ભાષા સમજી શકતું ન હતું. આ બાળકી તે સમયે માનસિક અસ્થિર હતી. આથી આશ્રમે 4 વર્ષની સારવાર બાદ બાળકીને ગુજરાતી અને હિન્દી ભાષા શીખવાડાવી હતી.

કઈ રીતે કિશોરીના ઘરની ભાળ મળી?
12  વર્ષની રેખા ઉર્ફે ઉષાનું 10 વર્ષ સુધી કાઉન્સીલિંગ કર્યું.. અને  એક દિવસ એ બોલી કે મારા ગામમાં એક મંદિર છે નજીક તળાવ છે અને બિહાર થઈને મારા ઘરે જવાય આટલી વાત જાણી અને પોલીસ ,મહિપ રામ આશ્રમ આવા લોકેશનના ગામ શોધવા લાગ્યા અને ઝારખડનું એક ગામ મળી આવ્યું.. આ ગામમાં પોલીસ અને સ્થાનિકમાં તપાસ કરતા બાળકી આ ગામની જ હતી.. પરંતુ તેના માતા પિતા તો હવે હયાત નથી પણ આ ગાયબ બાળકીની બહેનનો સંપર્ક થયો આજે પોલીસ અને આશ્રમના સ્ટાફ 10 વર્ષ બાદ બળકીને ઝારખંડ  મુકવા જશે. 10 વર્ષ બાદ બાળકી તેના પરિવારને મળશે.. જેની ખુશી અને સંતોષ બાળકીની આંખોમાં જોવા મળી.

10 વર્ષ બાદ બાળકી માંથી યુવાન થયેલી યુવતીને પરિવાર મળ્યો.બાળકી જે સમયે ઘરેથી નીકળી ત્યારે સમયે તેના માતા-પિતા જીવિત હતા પરંતુ હવે માતા-પિતા નથી.પરંતુ પોલીસ અને મહિપતરામ આશ્રમેં માતા પિતા  બનીને તેનો ઉછેર કર્યો.અને તેના પરિવાર સાથે મિલન કરાવ્યો.