પરિવારનો કોઈ સભ્ય દૂર જતો રહે તો ખૂબ દુઃખ થાય છે.તેવી જ રીતે પાલતુ પ્રાણી ગુમ થઇ જતા એક પરિવાર ખાવા પીવાનું છોડી દીધુ.
ગજબનો પ્રાણી પ્રેમ
લખનૌમાં એક બિલાડી ગુમ થઇ ગઇ
પરિવારે છોડી દીધુ ખાવા પીવાનું
પ્રાણીએ અબોલ ભલે હોય પરંતુ તેઓની સંગત માણસની મિત્રતા કરતા પણ વધુ ચઢિયાતી હોય છે. ઘરમાં પાલતુ પ્રાણી જાણે કે પરિવારનું સભ્ય જ સમજો, પ્રાણી પ્રેમીઓને પાલતુ જીવો પ્રત્યે એવો લગાવ હોય છે કે માણસની જેમ જ તેની પણ દેખરેખ અને સારસંભાળ રાખે છે. તો સામે પાલતુ જીવ પણ વફાદારી અને પ્રેમ વરસાવવામાં કંઇ બાકી નથી રાખતો. ત્યારે લખનૌમાં એક એવો અનોખો કિસ્સો સામે આવ્યો છે કે પાલતુ બિલાડી ગુમ થઇ ગઇ તો પરિવાર
ધ્રુસકેને ધ્રુસકે રડી પડ્યો.
ગજબનો પ્રાણી પ્રેમ
પ્રયાગરાજમાં મોહમ્મદ તાહિરની પાલતુ બિલાડી ગુમ થયા બાદ તેનો પરિવાર પરેશાન છે. લગભગ એક અઠવાડિયા પહેલા લ્યુસીના ગુમ થયાના દિવસથી પરિવારના કેટલાક સભ્યો સતત રડી રહ્યા છે અને કેટલાક સભ્યોએ તો ખાવાનું બંધ કરી દીધું છે. મોહમ્મદ તાહિરે કહ્યું કે દોઢ વર્ષ પહેલા અમે લ્યુસીને અમારા ઘરે લાવ્યા હતા. તે અમારા બાળક જેવી હતી અને અમારી સાથે ખાતી અને સૂતી. હવે તેના ગુમ થયા બાદ પરિવારના દરેક સભ્ય ચિંતિત છે.
પુરસ્કારની જાહેરાત
પરિવાર બિલાડીએ એટલો પ્રેમ કરે છે કે તેને પાછી મેળવવા માટે ઇનામની જાહેરાત પણ કરી દીધી. પરિવારે હવે તેમની 'લ્યુસી' પાછી લાવનારને 10,000 રૂપિયાનું ઈનામ આપવાની જાહેરાત કરી છે. પરિવારે તેઓ જ્યાં રહે છે તે સિવિલ લાઈન્સ વિસ્તારમાં દિવાલો, ઈલેક્ટ્રીક થાંભલા અને બજારો પર પોસ્ટર પણ લગાવ્યા છે.
બિલાડીના લગાવ્યો પોસ્ટર
આ બિલાડીને શોધવા માટે પરિવાર તમામ પ્રયાસો કરી રહ્યુ છે. બિલાડી ગુમ થવા પાછળ એટલા દુ:ખી થયા છે કે જાણે કે હસવાનું જ ભૂલી ગયા હોય. તેમણે ઠેર ઠેર પોસ્ટર લગાવ્યા છે તેમજ ઇનામની ઓફર પણ એટલે જાહેર કરી કારણ કે જો કોઇ બિલાડી ચોરી ગયુ હોય તો તેને પાછી આપીને પૈસા લઇ જઇ શકે.