યુવકે માસીના જ દીકરાને આપી ખંડણી પકડાયા બાદ જે હકીકત સામે આવી તે ચોંકાવનારી

વડોદરામાં માસીયાઈ સબંધને લાંછણ લગાડે તેવો ખંડણીનો કિસ્સો બહાર આવ્યો છે બે દિવસ પહેલા ઉધોગપતિને ધમકી ભર્યો પત્ર ખંડણી માટે આવ્યો હતો અને તેના પુત્રની હત્યા કરી દેવાની ધમકી પણ ઉચ્ચારવામા આવી હતી જોઈએ ઇલેક્ટ્રિક એન્ડ કોમ્યુનિકેશનની ડિગ્રી ધરાવતો કોણ છે આ ખંડણીખોર.

વડોદરાના વારસિયાર રિંગ રોડ પર રહેતા ઉધોગપતિને બે દિવસ પહેલા તેમાં ઘરેજ એક પત્ર મળ્યો હતો જેમાં 25 લાખની ખંડણી માંગવામાં આવી હતી અને 4 વર્ષ પછી 1 ટકાના વ્યાજ સાથે 40 લાખ રૂપિયા પરત અપવાનીએ વાત પણ કરવામાં આવી હતી અને જો ખંડણી નહીં આપવામાં આવેતો તેના મોટા પુત્રની હત્યા કરી દેવાની ધમકી પણ આપવામાં આવી હતી. આ પત્ર સાથે 25 લાખ રૂપિયા ક્યાં આપવા તેના માટે જગ્યાનો નકશો પણ બનાવીને મુકવામાં આવ્યો હતો. આ પત્ર મળતાં જ ઉધોગપતિના હોશ કોષ ઉડી ગયા અને પોલીસનો સહારો લીધો હતો.

વડોદરા ક્રાઇમ બ્રાન્ચને આ મામલાની ફરિયાદ મળતા તપાસના ચક્રો ગતિમાન કરવામાં આવ્યા હતા. જોકે આરોપીએ પત્ર દ્વારા જ ધમકી આપી હતી અને જો નાણાં આપવા માંગતા હોય તો પોતાના વોટ્સએપમાં ડીપી પર પોતાના મોટા પુત્રનો ફોટો રાખવા કહ્યું હતું. જેનાથી આરોપીને ખબર પડે કે ઉધોગપતિને સરત માન્ય છે અને નકશામાં બતવેલી જગ્યાએ નાણાં મુકવાના હતા. જોકે આ તમામ બાબતોનો અભ્યાસ કરીને ક્રાઇમ બ્રાન્ચે વિવિધ ટિમોને કામે લગાડીને આખા મામલાનો ભેદ ઉકેલી નાખ્યો છે અને આરોપી નાણાં લેવા આવ્યો ત્યારે ધકપકડ કરી લેવામાં આવી છે.

ક્રાઇમ બ્રાન્ચની ટિમની તપાસમાં એવી વિગતો બહાર આવી છે કે આ આરોપી દીપ પટેલને તેની નાની ફેક્ટરીમાં દેવું વધી જતા નાણાં મેળવવા પોતાના પારિવારિક ઉધોગપતિને જ ટાર્ગેટ બનવ્યા હતા અને નાણાં પણ પાછા આપી દેવાનો ઈરાદો હતો.

જોકે પોલીસે તમામ બાબતોની ઝીણવટ ભરી તપાસ કરીને આખા ગુનાનો ભેદ ઉકેલી નાખ્યો છે ખંડણી માંગનાર યુવાન ભણેલો ગણેલો અને ખુબજ ચાલાક હતો તેને ક્યાંય મોબાઈલ કે અન્ય વસ્તુનો ઉપયોગ કર્યો ના હતો અને પોતાને વારંવાર આર્થિક મદદ કરનાર ઉધોગપતિ માસીના દીકરાને જ ધમકી આપી હતી અને નાણાંની માંગણી કરી હતી. જોકે આખો મામલો વડોદરા ક્રાઇમ બ્રાન્ચની સતર્કતાના કારણે ઉકેલાઈ ગયો છે અને આરોપી પણ પોલીસ ની પકડમાં આવી ગયો છે.

પોતાના પરિચિત વ્યક્તિ પાસેથી જ રૂપિયા મેળવવા માટે ધમકી ભર્યો ખડણી માટેનો પત્ર લખનાર યુવાનની ધરપકડ કરવામાં આવી છે જોકે સમાજ માટે લાલા બત્તી સમાન આ કિસ્સામાં ઝડપથી મોટા માણસ બની જવાની ઘેલસા માણસને ક્રિમિનલ પણ બનવી દે છે. એવો આ કિસ્સો બહાર આવ્યો છે હાલ તો પોલીસે ખંડણીનો ગુનો નોંધી ને વધુ તપાસ શરૂ કરી છે.