જસદણ પેટા ચૂંટણીમાં ભાજપ અને કોંગ્રેસના ઉમેદવારોએ કરેલા ખર્ચનો અંક જાહેર કર્યો છે.ભાજપ તરફથી કુવરજી બાવળિયાએ 1 લાખ 15 હજાર 200 રૂપિયાનો ખર્ચ કર્યો હતો.
કોંગ્રેસના અવસર નાકિયાએ રૂપિયા 1 લાખ 8 હજાર રૂપિયાનો ખર્ચ પેટા ચૂંટણીમાં કર્યો છે. ભાજપ પક્ષ દ્વારા કુલ 6 લાખ 54 હજાર 146 રૂપિયાનો ખર્ચ કરવામાં આવ્યો છે.
કોંગ્રેસ પક્ષ દ્વારા હાલ આ અંગે કોઈ અંક જાહેર નથી કરાયો. મહત્વનું છે કે દર સપ્તાહે ચૂંટણી ખર્ચ જાહેર કરવાનો હોય છે.ચૂંટણી નોડેલ ઓફિસર દ્વારા ખર્ચની વિગતોનું ક્રોસ વેરીફીકેશન કરવામાં આવશે.
જસદણ પેટા ચૂંટણીનો જંગ એ પ્રતિષ્ઠાનો જંગ બન્યો છે. તમામ રાજકીયપક્ષો આ ચૂંટણીમાં એડી ચોડીનું જોર લગાવી રહ્યા છે. જસદણમાં 20 ડિસેમ્બરે વિધાનસભાની પેટાચૂંટણી યોજાશે.
ફોર્મ પરત ખેંચવાના અંતિમ દિવસે કુલ 7 ઉમેદવારોએ ઉમેદવારી ફોર્મ પરત ખેચ્યા હતાં. કુલ 15 ઉમેદવારોએ જસદણ ચૂંટણી માટે ઉમેદવારી ફોર્મ ભર્યા હતા. જો કે હવે 7 ઉમેદવારોએ ફોર્મ પરત ખેંચતા 8 ઉમેદવારો ચૂંટણી જંગમાં ઝંપલાવશે.
જ્યારે જસદણ વિધાનસભાની પેટા ચૂંટણી માટે કોંગ્રેસના પ્રચાર અભિયાનનો પ્રારંભ કરી દીધો છે. આ માટે કોંગ્રેસ ખાસ રણનીતિ પણ ઘડી કાઢી છે.