રાજનીતિ / જ્યાં કોંગ્રેસની સરકાર છે તેવા રાજસ્થાનમાં ભારત જોડો યાત્રાની થશે એન્ટ્રી, પણ ટેન્શનમાં છે કોંગ્રેસ હાઈકમાન્ડ, જાણો કેમ

• કોંગ્રેસની ભારત જોડો યાત્રાનું આગામી દિવસોમાં રાજસ્થાનમાં આવશે
• રાજસ્થાનના રાજકીય વાતાવરણથી હાઈકમાન્ડ ટેન્શનમાં 
• ગેહલોત અને પાયલટ વચ્ચેના સંબંધોમાં ખેંચતાણ ચાલુ હોવાની અટકળો

મધ્યપ્રદેશ બાદ કોંગ્રેસની ભારત જોડો યાત્રાનું આગામી દિવસોમાં રાજસ્થાનમાં આવશે. જેને લઈ તૈયારીઓ પણ જોરશોરથી ચાલી રહી છે. પરંતુ છેલ્લા કેટલાક દિવસોથી રાજસ્થાનમાં પાર્ટીની અંદર જ જે રાજકીય વાતાવરણ સર્જાઈ રહ્યું છે તેનાથી હાઈકમાન્ડ ટેન્શનમાં છે, તાજેતરમાં રાજ્યના સીએમ અશોક ગેહલોત અને સચિન પાયલટ બંનેએ એક મીટિંગમાં હાજરી આપી હતી. આ મુલાકાત દરમિયાન બંને વચ્ચે કોઈ વાતચીત થઈ ન હતી. આવી સ્થિતિમાં ગેહલોત અને પાયલટ વચ્ચેના સંબંધોમાં ખેંચતાણ ચાલુ હોવાની અટકળો લગાવવામાં આવી રહી છે. 

રાજસ્થાનમાં ભારત જોડો યાત્રામાં પ્રવેશતા પહેલા હાઈકમાન્ડ રાજસ્થાનમાં ચાલી રહેલી લડાઈનો અંત લાવવા ઈચ્છે છે. ભારત જોડો યાત્રા રાજસ્થાન પહોંચે તે પહેલા મહાસચિવ કેસી વેણુગોપાલ યાત્રાની તૈયારીઓની સમીક્ષા કરવા જયપુર જઈ રહ્યા છે. 29 નવેમ્બરે પ્રવાસ સમિતિની બેઠક છે. બેઠકમાં સીએમ ગેહલોત અને સચિન પાયલટ પણ હાજર રહેશે. ભારત જોડો યાત્રા 5 ડિસેમ્બરે રાજસ્થાન પહોંચી રહી છે. આવી સ્થિતિમાં પાર્ટીનો પ્રયાસ છે કે, રાજસ્થાનનું કુળ એકજુટ દેખાય. હાઈકમાન્ડ એ વાતને લઈને પણ ચિંતિત છે કે, ભારત જોડો યાત્રાને લઈને રાજસ્થાનની આંતરિક ખેંચતાણ પર બ્રેક લાગી શકે છે.

શું કહ્યું હતું અશોક ગેહલોતે ? 

તાજેતરમાં જ મુખ્યમંત્રી અશોક ગેહલોતે સચિન પાયલટને દેશદ્રોહી ગણાવતા કહ્યું હતું. તેમણે કહ્યું હતું કે, તે (સચિન પાયલોટ) ક્યારેય રાજ્યના સીએમ નહીં બની શકે. આ સાથે ગેહલોતે કહ્યું હતું કે, જે વ્યક્તિએ બળવો કર્યો હોય અને તેને દેશદ્રોહી જાહેર કર્યો હોય તેને ધારાસભ્ય કેવી રીતે સ્વીકારી શકે. તે સીએમ કેવી રીતે બની શકે ? ધારાસભ્યો આવી વ્યક્તિને સીએમ તરીકે કેવી રીતે સ્વીકારી શકે ? મારી પાસે પુરાવા છે કે, 10-10 કરોડ રૂપિયા ધારાસભ્યોને વહેંચવામાં આવ્યા હતા, જેથી રાજસ્થાનમાં કોંગ્રેસ સરકારને નીચે લાવી શકાય.

સચિન પાયલટે શું કહ્યું ? 

અશોક ગેહલોતના નિવેદન પર સચિન પાયલટની પ્રતિક્રિયા આવી. તેમણે કહ્યું હતું કે, મેં અશોક ગેહલોતની વાત સાંભળી તે પહેલાં પણ તેણે મારા વિશે ઘણી વાતો કરી છે. આવા ખોટા અને પાયાવિહોણા આક્ષેપો કરવાની આજે જરૂર નથી. આજે જરૂર એ છે કે, આપણે પાર્ટીને કેવી રીતે મજબૂત કરીએ. પાયલોટે એમ પણ કહ્યું હતું કે, ગેહલોત વરિષ્ઠ અને અનુભવી નેતા છે. મને ખબર નથી કે તેઓને મારા પર ખોટા અને પાયાવિહોણા આરોપો લગાવવાની સલાહ કોણ આપી રહ્યું છે.