ભારતીય ટીમના કેપ્ટન વિરાટ કોહલી રન અને રેકોર્ડ બનાવવામાં જેટલો આગળ રહે છે તે જ રીતે સેલેરી મેળવવામાં પણ સૌથી ઉપર છે.
પાકિસ્તાની 11 પ્લેયર જેટલી વિરાટની સેલેરી
વિરાટને મળતા પગારમાં આખી ટીમને મળે છે સેલેરી
પાકિસ્તાની ટીમની કોન્ટ્રાક્ટ લિસ્ટ આવી સામે
ભારતીય કેપ્ટનનું નામ સૌથી વધારે કમાણી કરનારા ક્રિકેટર્સમાં સામેલ છે. જો તેમના બીજા કામના પૈસા ન ગણવામાં આવે તો પણ બીસીસીઆઇમાંથી મળવાવાળી સેલેરીમાં આખી પાકિસ્તાનની ટીમને પગાર મળી જાય છે.
BCCIએ ઓક્ટોબર 2020થી સપ્ટેમ્બર 2021 સુધીના કોન્ટ્રાક્ટ લિસ્ટ બહાર પાડ્યા હતા જેમાં કોહલી સહિત રોહિત શર્મા અને જસપ્રિત બુમરાહ એ પ્લસમાં છે.
પાકિસ્તાન ક્રિકેટ બોર્ડ તેના ખેલાડીઓને 3 કેટેગરીમાં એટલે કે ગ્રેડમાં મૂકે છે. એ ગ્રેડના 3 ખેલાડીઓને દર મહિને 11 લાખ પાકિસ્તાન રૂપિયા (એટલે કે આશરે 5.20 લાખ ભારતીય રૂપિયા) મળે છે. બાબર આઝમ, શાહીન આફ્રિદી અને અઝહર અલી આ ગ્રેડમાં છે. બી કેટેગરીમાં આવતા લોકોને 7.50 લાખ પાકિસ્તાની રૂપિયા (એટલે કે 4.44 લાખ ભારતીય રૂપિયા) અને સી કેટેગરીમાં આવતા લોકોને 5.5૦ લાખ પાકિસ્તાની રૂપિયા (એટલે કે ૨.60૦ લાખ ભારતીય રૂપિયા) મળે છે. પાકિસ્તાને એ કેટેગરીમાં 3, બીમાં 9 અને સી કેટેગરીમાં 6 ખેલાડીઓ મૂક્યા છે.
BCCIનું વાર્ષક કોન્ટ્રાક્ટ લિસ્ટ
A+ માં ફક્ત ત્રણ નામો
આ કેટેગરીમાં વાર્ષિક સાત કરોડના પગાર સાથે કેપ્ટન વિરાટ કોહલી, રોહિત શર્મા અને જસપ્રિત બુમરાહનું નામ છે.
A વર્ગમાં 10 ખેલાડીઓ
પાંચ કરોડની સેલેરીવાળી આ કેટેગરીમાં આ વખતે 10 ખેલાડીઓનાં નામ શામેલ છે. જેમાં રવિચંદ્રન અશ્વિન, રવિન્દ્ર જાડેજા, ચેતેશ્વર પૂજારા, અજિંક્ય રહાણે, શિખર ધવન, કેએલ રાહુલ, મોહમ્મદ શમી, ઇશાંત શર્મા, રિષભ પંત અને હાર્દિક પંડ્યા શામેલ છે.
B ગ્રેડમાં 5 નામો
ત્રણ કરોડના પગારવાળી યાદીમાં રિદ્ધિમાન સાહા, ઉમેશ યાદવ, ભુવનેશ્વર કુમાર, શાર્દુલ ઠાકુર અને મયંક અગ્રવાલ શામેલ છે.
C ગ્રેડમાં 10 ખેલાડીઓ
કુલદીપ યાદવ, નવદીપ સૈની, દીપક ચહર, શુભમન ગિલ, હનુમા વિહારી, અક્ષર પટેલ, શ્રેયસ અય્યર, યુઝવેન્દ્ર ચહલ, વોશિંગ્ટન સુંદર અને મોહમ્મદ સિરાજને વાર્ષિક એક કરોડની સેલેરી સાથે આ યાદીમાં સ્થાન આપવામાં આવ્યું છે.