કૃણાલ પંડ્યા અને પ્રસિદ્ધ કૃષ્ણાનું વન ડે ડેબ્યુ શાનદાર રહ્યું. કૃણાલે 31 બોલમાં સાત ચોગ્ગા અને 2 છગ્ગાની મદદથી 58 રન બનાવ્યા અને પ્રસિદ્ધે 4 વિકેટ લીધી પરંતુ ઇંગ્લેન્ડના આ ખેલાડી સાથે તૂતૂ-મેમે થઇ ગઇ હતી.
ભારતની ઇનીંગ વખતે એક સમય એવો આવ્યો કે કૃણાલ પંડ્યાની ઇંગ્લેન્ડના બૉલર ટોમ કરન સાથે બોલાચાલી થઇ ગઇ હતી. એમ્પાયરે આ વાતમાં દખલ આપવી પડી અને ડગઆઉટમાં બેઠેલો કોહલી પણ ઘણો પરેશાન લાગી રહ્યો હતો.
કૃણાલ પંડ્યા અને ટોમ કરન વચ્ચે લડાઇ
ટોસ હાર્યા બાદ ટીમ ઇન્ડિયા બેટિંગ કરવા ઉતરી હતી. 49મા ઓવરમાં KL રાહુલ અને કૃણાલ વચ્ચે શાનદાર પાર્ટનરશીપ થઇ હતી. ઇંગ્લેન્ડના બૉલર ધોવાઇ રહ્યા હતા અને તે જ ઑવરમાં કૃણાલે પોતાના 50 રન પૂરા કર્યા અને પોતાના બોલિંગ માર્ક તરફ જતા બૉલર સામે જોઇને કંઇક કહ્યું, સામેથી પણ જવાબ આવ્યો અને કૃણાલ સતત કરનની સામે જોઇ રહ્યો હતો જેના કારણે એમ્પાયર નિતિન મેનને દખલ આપવી પડી હતી.
ઇંગ્લેન્ડના સ્ટેન્ડ ઇન કેપ્ટન જોસ બટલરક પણ જલ્દી જ ત્યાં પહોંચી ગયો અને તેણે પણ પંડ્યાને કંઇક કહ્યુ હતુ. ડઆઉટમાં બેઠેલો કોહલી પણ આ વાતથી ખુબ પરેશાન થયો હતો. તેને ખ્યાલ નહોતો આવી રહ્યો હતો કે મેદાન પર શું થઇ રહ્યું છે.
વાઇડ બોલ હતુ કારણ?
તે કહી ન શકાય કે કૃણાલ અને કરન વચ્ચે કઇ બાબતે ઝઘડો થયો પરંતુ તે જ ઓવરમાં પહેલા એક બોલમાં એમ્પાયરે વાઇડ બોલ આપ્યો હતો. કરન આ વાતથી ખુબ જ નાખુશ હતો, ત્યારે કૃણાલને કંઇક કહ્યું હોય અને બાદમાં બની શકે કે તેના કારણે જ્યારે કૃણાલે પોતાનુ અર્ધશતક પૂરુ કર્યુ ત્યારે તે વાતનો જવાબ આપ્યો હોય. પોતાની ડેબ્યુ મૅચમાં કૃણાલ સૌથી ઝડપી 50 રન બનાવનાર ક્રિકેટર બન્યો છે. 35 બોલમાં 50 રન બનાવ્યા હતા.