વાયરલ / મરતા પહેલા દીકરા માટે કેન્સર પીડિત માએ કર્યું એવું કે જાણીને લાખો લોકોના આંખમાં આવી ગયા આંસુ

• સોશિયલ મીડિયા પર એક વીડિયો વાયરલ થઈ રહ્યો છે
• છોકરાએ તેની કેન્સર પીડિત મા નો છેલ્લો વીડિયો શેર કર્યો
• માતાના મૃત્યુના થોડા સમય પહેલા બનાવ્યો હતો વીડિયો

સોશિયલ મીડિયા પર હંમેશા કંઇક ને કંઇક વાયરલ થતું રહે છે જે હેડલાઇન્સમાં છે. હાલમાં જ સોશિયલ મીડિયા પર એક વીડિયો વાયરલ થઈ રહ્યો છે જેમાં એક મા તેના બાળક માટે ભોજન બનાવી રહી છે અને મળતી માહિતી મુજબ આ વીડિયો તે મહિલાનો છેલ્લો વીડિયો હતો. જણાવી દઈએ કે તે વીડિયો પછી એ બાળકની મા નું અવસાન થઈ ગયું હતું. આ વાયરલ વીડિયો જોઈને ઘણા લોકો ભાવુક થઈ ગયા હતા અને હાલ આ વિડીયો દરેક લોકો શેર કરી રહ્યા છે. આ વીડિયો ક્યાંનો છે અને તે બાળકની માતાનું મૃત્યુ કેવી રીતે થયું?એ વિશે અમે તમને જણાવવા જઈ રહ્યા છીએ. 

એક મીડિયા રિપોર્ટ અનુસાર આ વાયરલ થયેલ વીડિયો ચીનનો છે જેમાં 20 વર્ષના છોકરાએ તેની કેન્સર પીડિત મા નો છેલ્લો વીડિયો શેર કર્યો હતો, એ વિડીયોમાં તેણી માતા તેના માટે ભોજન બનાવી રહી હતી. આ વીડિયો હાલ સોશિયલ મીડિયા પર ટ્રેન્ડ કરી રહ્યો છે. વધુમાં જણાવીએ તો આ વિડિયો ઉત્તર પૂર્વ ચીનના ડાલિયાનના રહેવાસી ડેંગ નામના છોકરાએ શેર કર્યો છે અને કહેવામાં આવી રહ્યું છે કે આ વીડિયો ડેંગની માતાનો છે અને તેને આ વિડિયો શેર કરતાં લખ્યું હતું કે, "મા હવે શાંતિથી આરામ કરો તને કોઈ હરાવી શકશે નહીં."

એ રિપોર્ટ અનુસાર ડેંગની માતાનું નવેમ્બરની શરૂઆતમાં અવસાન થયું હતું અને તેને આ વીડિયો તેની માતાના મૃત્યુના થોડા સમય પહેલા બનાવ્યો હતો. ડેંગના જણાવ્યા અનુસારતેની માતાએ ત્રણ કીમોથેરાપીની  લીધી હતી પણ એ છતાં તેની માતાએ ક્યારેય તેના દુખાવાની ફરિયાદ નહતી કરી. 

ડેંગ એ એક વાતચીતમાં જણાવ્યું હતું કે "મારી માતા ખૂબ જ મજબૂત હતી. તેમને ફેબ્રુઆરીમાં કેન્સર હોવાનું સામે આવ્યું હતું. એ પછી ત્રીજી કીમોથેરાપી પછી એક દિવસ અચાનક મારી મા એ મને પૂછ્યું કે શું ખાવું છે? અને એ પછી પોતે બજારમાં ગઈ અને કરિયાણાની ખરીદી કરીને ઘરે આવીને ખાવાનું બનાવા લાગી હતી. એ સમયે હું લિવિંગ રૂમમાં બેઠો હતો જ્યારે મારી મા રસોડામાં રસોઇ કરી રહી હતી ત્યારે મે એમનો વિડીયો ઉતાર્યો હતો. મારી મા ને રસોઇ બનાવતી જોઈને હું આંસુ રોકી શક્યો નહીં કારણ કે તે પહેલેથી જ ખૂબ જ નબળી દેખાતી હતી. રસોઈ બનાવતા સમયે તે હાંફતી હતી અને એ પછી તે આરામ કરવા માટે રૂમમાં ગઈ હતી.' 

હાલ ડેંગ દ્વારા બનાવવામાં આવેલ તેણી માતાનો છેલ્લો વિડીયો સોશ્યલ મીડીયા પર ખૂબ વાયરલ થઈ રહ્યો છે.