બોલિવૂડમાં સુશાંત સિંહ રાજપૂતના મોત બાદ ડ્રગ્સ એન્ગલની તપાસ કરી રહી હતી. રિયા ચક્રવર્તીએ સારા અલી ખાન, રકુલ પ્રિત વગેરેના નામ આપ્યા હતા. બોલિવૂડમાં લોકોના નામના ખુલાસા થયા બાદ ટેલિવૂડમાં ડ્રગ્સનો રેલો પહોંચ્યો છે.
ટેલિવૂડ સુધી પહોંચ્યો ડ્રગ્સનો મામલો
બોલિવૂડ બાદ ટેલિવૂડમાં ડ્રગ્સ દરોડા
ડ્ર્ગ્સ એન્ગલમાં કેટલાક નામ આવ્યા સામે
NCBના રડાર પર માત્ર બોલિવૂડ સ્ટાર્સ જ નહીં પરંતુ ટીવી સ્ટાર્સ પણ છે. NCB આજે એટલે કે 23 સપ્ટેમ્બરના રોજ અનેક બોલિવૂડ સેલેબ્સ તથા ટીવી સેલેબ્સને સમન્સ પાઠવવાની છે. આ કડીમાં હવે ટીવી એક્ટર અબીગેલ તથા સનમ જોહરના ઘરે NCBએ દરોડા પાડ્યા હતા અને બંનેને NCBની ઓફિસ બોલાવવામાં આવ્યા હતા. આ બંને રિયાલિટી શો 'નચ બલિયે'માં જોવા મળ્યા હતા.
અબીગેલ-સનમના ઘરે પાડ્યા દરોડા
NCBને અબીગેલ અને સનમ વિરુદ્ધ કેટલાક પુરાવા મળ્યા છે. આજે સવારે NCBની એક ટીમે બંનેના ઘરે દરોડા પાડ્યા હતા. ઘણા સમય સુધી ચાલેલી આ રેડમાં NCBના હાથમાં શું પુરાવા મળ્યા તે સામે આવ્યું નથી પરંતુ આ બંને સિતારા NCBની ઓફિસની બહાર જોવા મળ્યા હતા.
કેટલાક સ્ટાર્સની પૂછપરછ થશે
સુશાંત કેસમાં ડ્રગ્સ એંગલ સામે આવ્યા બાદ મનોરંજન જગતની મુશ્કેલીઓ વધી ગઈ છે. હાલમાં જ શ્રદ્ધા કપૂર, દીપિકા પાદુકોણ, દિયા મિર્ઝા, રકુલ પ્રીત સિંહ, સારા અલી ખાન, નમ્રતા શિરોડકર, મધુ મન્ટેનાના નામ સામે આવ્યા છે. મધુ મન્ટેનાની NCBએ પૂછપરછ કરી છે. તો બીજી બાજુ શ્રદ્ધા તથા દીપિકા વિરુદ્ધ NCBને નક્કર પુરાવા મળ્યા છે. NCB પોતાની તપાસ માત્ર સુશાંત કેસ પૂરતી સીમિત રાખવા માગતી નથી.
દિપીકાની મુશ્કેલી વધશે
દિપીકાની અને મેનેજર કરિશ્મા સાથેની ચૅટ સામે આવી છે. આ ચૅટમાં દિપીકાએ કરિશ્મા પાસે ગાંજો મંગાવ્યો હતો. NCB દિપીકાને સમન પાઠવશે અને તેની આગામી દિવસોમાં પૂછપરછ થાય તેવી શક્યતા છે.