હમ નહીં સુધરેંગે / પાકિસ્તાન નાપાક હરકત યથાવત! જમ્મુ નજીક ફરી જોવા મળ્યું ડ્રોન, સેનાએ ફાયરિંગ કરતાં પરત ફર્યુ

• પાકિસ્તાન તરફથી ભારતમાં ડ્રોન મોકલવાનો પ્રયાસ
• જમ્મુના અરનીયા સેક્ટરમાં ડ્રોનથી હલચલ જોવા મળી 
• BSFના જવાનોએ ફાયરિંગ કરતા  ડ્રોન પરત ફર્યુ 

Border Security Force (BSF) troops fired at a drone spotted close to the international border in J&K’s Arnia sector. The drone returned back as soon as the troops fired on it after observing it at around 4.15am: BSF

— ANI (@ANI) June 9, 2022

પાકિસ્તાન પોતની નાપાક હરકતો બંધ કરવાનું નામ લેતું જ નથી

આજે વહેલી સવારે 4:15 વાગ્યે જમ્મુના અરનીયા સેક્ટરમાં ડ્રોનથી હલચલ જોવા મળી હતી. આ ડ્રોન પાકિસ્તાન તરફથી આવ્યું હતું અને તેનો પ્રકાશ જોતાં જ BSFના જવાનોએ મોરચો સંભાળી લીધો હતો. આ પછી અનેક રાઉન્ડ ફાયરિંગ કરવામાં આવતાં ડ્રોન પરત ફરી ગયું હતું.

Search operation underway by BSF and J&K Police close to the international border in J&K’s Arnia Sector where the troops fired at a drone yesterday. pic.twitter.com/9VyEEajeTE

— ANI (@ANI) June 9, 2022

હાલ સમગ્ર વિસ્તારમાં સર્ચ ઓપરેશન હાથ શરૂ 

અત્યારે આખા વિસ્તારમાં સર્ચ ઓપરેશન હાથ ધરવામાં આવ્યું છે. ડ્રોન દ્વારા સીમા પારથી ઈમ્પ્રોવાઈઝ્ડ એક્સપ્લોસિવ ડિવાઈસ (IED) એક રણનીતિ હેઠળ સીમા પાર મોકલવામાં આવી રહ્યું છે. જેને મોટાભાગે હાઈ-વે નજીક જ ફેંકાઈ રહ્યું છે. આવું કરવાનો હેતુ એ છે કે IED સરળતાથી આતંકીઓ માટે કામ કરનાારા મદદગારો સુધી પહોંચાડી શકાય.

છેલ્લા કેટલાક સમયથી ડ્રોન દ્વારા વિસ્ફોટકો સામાન મોકલવાના અનેક કેસો નોધાયા

છેલ્લા કેટલાક દિવસોથી સીમા પારથી ડ્રોન દ્વારા વિસ્ફોટકો સામાન મોકલવાના અનેક કેસો સામે આવ્યા છે. દરમિયાન કાનાચક ક્ષેત્રમાં મંગળવારે મળેલા IED પણ જમ્મુ-પુંછ હાઈ-વેના અખનૂર નજીકથી મળ્યા હતા. આ પહેલાં પાછલા વર્ષે અખનૂર પુલની નજીક હાઈ-વે પાસે છ કિલો આઈઈડી (વિસ્ફોટકો) મળ્યા હતા. થોડા દિવસ પહેલાં કઠુઆના રાજબાગમાં પણ પેલોડ સાથે આવેલું ડ્રોન હાઈ-વે સુધી પહોંચ્યું હતું.

પોલીસના એક વરિષ્ઠ અધિકારીએ જણાવ્યું કે સીમા પારથી હાઈ-વે આસપાસ IED  એટલા માટે ફેંકવામાં આવે છે કે જેને લેવા પહોંચતાં મદદગારોને અડચણ ન આવે. જો કોઈ રીતે ફસાવાની સ્થિતિ નિર્માણ પામે તો તેમને ભાગવામાં સરળતા રહે એટલા માટે આવું કરાઈ રહ્યું છે. હાઈ-વે પર વાહનોની અવર-જવર વધુ હોય છે એટલા માટે અહીં ઓળખ કરવી મુશ્કેલ બની જાય છે.