સમગ્ર દેશમાં કોરોનાએ કાળો કહેર વર્તાવ્યો છે તો બીજી તરફ ઓક્સિજનની કમીના કારણે લોકો મરી રહ્યાં છે. ત્યારે એક ડૉક્ટરનો વીડિયો ખુબ વાયરલ થઇ રહ્યો છે.
મંગળવારે દેશમાં 2.94 લાખ કેસ હતા. આ દરમિયાન 2020 મૃત્યુ પણ થયા હતા. દેશની આર્થિક રાજધાની મુંબઇમાં સ્થિતિ ખુબ ખરાબ થઇ ગઇ હતી. કોરોના પેશન્ટ દવા અને ઓક્સિજન વગર મરી રહ્યા છે અને ડૉક્ટર્સ લાચાર છે. આવી પરિસ્થિતિમાં ડૉક્ટર તૃપ્તિ ગિલાડાનો એક વીડિયો ખુબ વાયરલ થઇ રહ્યો છે.
Dr. Trupti Gilada breaks down. We can feel the helplessness in her Voice due to lack of resources.
શું કહી રહી છે ડૉક્ટર
વીડિયોમાં ડૉક્ટર કહી રહી છે કે ઘણા ડૉક્ટર્સની જેમ હું પણ ખુબ પરેશાન છું. મુંબઇની હાલ ખુબ ખરાબ છે. અહીંના હોસ્પિટલમાં આઇસીયુમાં જગ્યા જ નથી. અમે લોકોની આવી હાલત પહેલા નથી જોઇ. અમે અસહાય છીએ. હાલની પરિસ્થિતિમાં ઇમોશનલ બ્રેકડાઉન ડૉક્ટર્સમાં પણ થઇ રહ્યાં છે. માટે પોતાનુ ધ્યાન રાખો અને સુરક્ષિત રહો.
વીડિયોમાં ડૉક્ટર કહે છે કે, તમને એવુ લાગી રહ્યું છે કે તમને છેલ્લા 1 વર્ષમાં કોરોના નથી થયો તો તમે સુપરહિરો છો, તમારી ઇમ્યૂનિટી ખુબ સારી છે તો તમે એવા વિચારો છોડી દો કારણકે અમે 35 વર્ષના યુવાનોને જોઇ રહ્યાં છીએ કે જે વેન્ટિલેટર પર છે અને તેમની સ્થિતિ ખુબ નાજુક છે.
તેમણે વધુમાં કહ્યું કે, આવો સમય અમે પહેલા ક્યારેય નથી જોયો જ્યારે આટલા બધા લોકોને એક સાથે મેનેજ કરવાના હોય. અમે લોકોને ઘરમાં ઓક્સિજન આપીને મેનેજ કરી રહ્યાં છીએ. જે લોકોએ વેક્સિનના બંને ડોઝ લીધા છે તેમનામાં સિરીયસ ઇન્ફેક્શન ઓછા દેખાઇ રહ્યાં છે. હોસ્પિટલાઇઝેશન નહિવત છે. સાફ છે કે વેક્સિન બચાવમાં ખુબ મદદગાર છે.
ડૉક્ટરે આંસુઓને રોકવાની ખુબ કોશિષ કરી પરંતુ તેમણે ભાવૂક થઇને કહ્યું તે અત્યારની સ્થિતિમાં ઇમોશનલ બ્રેકડાઉન બધા ડૉક્ટર્સને ક્યાંક ને ક્યાંક થઇ જ રહ્યો છે. પોતાનુ ધ્યાન રાખો અને સુરક્ષિત રહો. પેનિક થઇને હોસ્પિટલમાં એડમિટ થવાની જરૂર નથી, કેટલાક લોકોનું એડમિટ થવુ ખુબ જરૂરી છે તેમના માટે બેડ નથી.